बहुप्रतिक्षित शिवभोजन योजनेचं विविध जिल्ह्यात शुभारंभ

देशासह राज्यभरात मोठ्या उत्साहात प्रजासत्ताक दिन साजरा करण्यात आला. प्रजासत्ताक दिनाच्या निमित्ताने राज्यातील अनेक जिल्ह्यांमधील गर्दीच्या ठिकाणी शिवभोजन योजनेचा शुभारंभ करण्यात आलं आहे.

महाविकास आघाडीतील मंत्र्यांनी पालकमंत्री या नात्याने आप आपल्या जिल्ह्यात शिवभोजन योजनचं शुभारंभ केलं आहे. या  योजनेच्या शुभारंभाचे फोटो अनेक पालकमंत्र्यांनी ट्विट केलं आहे.

पहिल्या टप्प्यात एकूण 50 ठिकाणी ही योजना सुरु केली जाणार आहे. शिवभोजन केंद्र दुपारी 12 ते 2 या कालावधीत सुरु असणार आहेत.

या योजनेसाठी राज्य सरकारच्या वतीने  6 कोटी 48 लाख रुपयांचे अनुदान देण्यात आले आहे.

मुंबई आणि मुंबई उपनगर जिल्ह्यात एकूण 17 ठिकाणी शिवभोजन योजनेचा लाभ घेता येणार आहे.

शिवभोजन योजनेनुसार मुंबईच्या वाट्याला  450 तर मुंबई उपनगरच्या वाट्याला सर्वाधिक 1500 थाळ्या आल्या आहेत.

तर सिंधुदुर्ग आणि गडचिरोलीच्या वाट्याला सर्वात कमी म्हणजेच 150 थाळ्या मिळाल्या आहेत.  

महाराष्ट्रात शिवभोजन योजनेची सुरुवात ही पहिल्या 3 महिन्यांसाठी प्रायोगिक तत्वावर करण्यात आली आहे.

शिवसेनेने विधानसभा निवडणुकीच्या वेळेस 10 रुपयात शिवभोजन योजना सुरु करणार असल्याची घोषणा केली होती.

पर्यावरण मंत्री आदित्य ठाकरे यांनी आज महसूल कर्मचारी उपहारगृह येथे शिवभोजन योजनेचा शुभारंभ केला. याबाबतचे ट्विट आदित्य ठाकरेंनी केलं आहे.

आज मुंबई उपनगर महसूल कर्मचारी उपहारगृह येथे नागरिकांसाठी १० रुपयांत आहार असलेल्या 'शिवभोजन' या योजनेचे उद्घाटन केले.

पोटाला जात, पात, धर्म आणि आर्थिक स्थितीचे निकष न लावता सर्वांना स्वस्त आणि दर्जेदार आहार मिळावा हेच या योजनेचे उद्दिष्ट आहे. pic.twitter.com/PQVn7uweUa— Aaditya Thackeray (@AUThackeray) January 26, 2020

पोटाला जात, धर्म तसेच आर्थिक परिस्थितीचं निकष न लावता सर्वांना स्वस्त आणि सकस आहार जनतेला मिळावा, हेच या योजनेचं उद्दिष्ट असल्याचं आदित्य ठाकरे म्हणाले.

मुंबई शहरचे पालकमंत्री आणि मंत्री अस्लम शेख यांनी नायर हॉस्पीटलमध्ये शिवभोजन योजनेचं शुभारंभ केला.

https://twitter.com/AslamShaikhMLA/status/1221342283724800001

अस्लम शेख यांनी आपल्या अधिकृत ट्विटर खात्यावरुन याबाबतची माहिती दिली आहे.

तसेच अनेक जिल्ह्यांमध्ये पालकमंत्र्यांनी शिवभोजन योजनेचं शुभारंभ केला आहे.

पुणे

पुण्यात उपमुख्यमंत्री अजित पवार यांनी आज सकाळी 11 वाजता पुणे महानगरपालिकेच्या उपाहारगृहात शिवभोजन योजनचं उद्घाटन केलं.

पुणे महानगरपालिका भवनाच्या निशिगंध हॉटेलमध्ये 'शिवभोजन' योजनेचा शुभारंभ झाला. या विशेष कार्यक्रमाला आवर्जून उपस्थित राहिलो. या योजनेचा लाभ अधिकाधिक गोरगरीब आणि गरजू लोकांना मिळेल, असा विश्वास आहे.@CMOMaharashtra @OfficeofUT @NCPspeaks @ChhaganCBhujbal pic.twitter.com/XJpI7OXJOz— Ajit Pawar (@AjitPawarSpeaks) January 26, 2020

पुण्यात एकूण 11 ठिकाणी शिवभोजन केंद्र असणार आहेत. यामध्ये पुण्यात 7 तर पिंपरी चिंचवडमध्ये 4 केंद्र असणार आहेत.

नाशिक

मंत्री छगन भुजबळ यांच्या हस्ते नाशकात शिवभोजन योजनेचं उद्घाटन करण्यात आलं. ही योजना सरकारची महत्वकांक्षी योजना असल्याचे भुजबळ म्हणाले.

'शिवभोजन’ थाळीच्या माध्यमातून गरीब व गरजू जनेतेची भुक भागणार @ChhaganCBhujbal अन्न, नागरी पुरवठा व ग्राहक संरक्षण मंत्री तथा पालकमंत्री #नाशिक @MahaDGIPR @InfoDivNashik @CollectorNashik #Shivbhojan #शिवभोजन pic.twitter.com/5qohNid7Om— DISTRICT INFORMATION OFFICE, NASHIK (@InfoNashik) January 26, 2020

शिवभोजन योजना ही राज्यातील गोरगरीब नागरिकांसाठी कमी दरात पोटभर जेवण देणारी सरकारची अत्यंत महत्वकांक्षी योजना आहे.प्रजासत्ताक दिनाच्या निमित्ताने राज्यभर ५० हून अधिक ठिकाणी शिवभोजन प्रकल्प सुरू होत आहे.नाशिक जिल्हयामध्ये चार ठिकाणी याचे प्राथमिक स्वरूपात उदघाटन होत असून यातून pic.twitter.com/G7BtcdGeIR— Chhagan Bhujbal (@ChhaganCBhujbal) January 26, 2020

नाशकात एकूण 4 ठिकाणी शिवभोजन केंद्र असणार आहेत.

अलिबाग, रायगड

अलिबाग येथे पालकमंत्री आदिती तटकरे यांच्या हस्ते या योजनेचं शुभारंभ केला गेला.

राज्यातील गरीब आणि गरजू जनतेला अवघ्या दहा रूपयांत 'शिवभोजन थाळी' या योजनेचे उद्धाटन आज प्रजासत्ताक दिनानिमित्त अलिबाग येथे माझ्या हस्ते करण्यात आले. पुरोगामी राज्यात कोणीही भुकेले राहू नये,यासाठी शासनाने शिवभोजन योजना आणली आहे. pic.twitter.com/HkeAmp01NG— Aditi S Tatkare (@iAditiTatkare) January 26, 2020

पुरोगामी महाराष्ट्रात कोणीही उपाशी राहू नये यासाठी ही योजना आणली आहे, असे आदिती तटकरे म्हणाल्या.

राजेश टोपे यांनीही या योजनेचं शुभारंभ केला. या योजनेचा गोरगरिब जनतेला फायदा होणार आहे, अशा विश्वास त्यांनी यावेळी व्यक्त केला.

समाजातील गरजु व गरीब व्यक्तींना सवलतीच्या दरात भोजन उपलब्ध करुन देणाऱ्या शिवभोजन योजनेचा शुभारंभ राज्याचे सार्वजनिक आरोग्य, कुटूंबकल्याण मंत्री तथा जिल्ह्याचे पालकमंत्री @rajeshtope11 यांच्या हस्ते जिल्हा रुग्णालयाच्या परिसरात करण्यात आला. pic.twitter.com/xdrfXgnESA— District Information Office, Jalna (@InfoJalna) January 26, 2020

अन्न हे पूर्णब्रह्म!

प्रजासत्ताक दिनी जालना जिल्ह्यात #शिवभोजन योजनेचा शुभारंभ केला.10 रुपयांत मिळणाऱ्या जेवणाचा गोरगरीब जनतेला फायदा होणार आहे.#RepublicDay2020 #RepublicDay pic.twitter.com/mTBgtNqSoC— Rajesh Tope (@rajeshtope11) January 26, 2020

तसेच मंत्री के.सी.पाडवी, गुलाबराव पाटील, यांच्यासह अनेक मंत्र्यांनी शिवभोजन योजनेचं शुभारंभ करतानाचे फोटो ट्विटरवर शेअर केले आहेत.

#जळगाव पालकमंत्री @GulabraojiPatil यांच्या हस्ते
शहरातील शिवभोजन केंद्रांचा शुभारंभ@MahaDGIPR @AamchJalgaon @CMOMaharashtra @ChhaganCBhujbal pic.twitter.com/BDcJ3vyxiy— DISTRICT INFORMATION OFFICE, JALGAON (@InfoJalgaon) January 26, 2020

#नंदुरबार पालकमंत्री ॲड.के.सी.पाडवी यांच्या हस्ते जिल्हा शासकीय रुग्णालयात शिवभोजन योजनेचा शुभारंभ@MahaDGIPR
#RepublicDay #गणतंत्रदिवस #प्रजासत्ताकदिवस pic.twitter.com/xwxTJaVNla— DISTRICT INFORMATION OFFICE, NANDURBAR (@InfoNandurbar) January 26, 2020

दरम्यान राज्यातील विविध जिल्ह्यात शिवभोजन योजनेला भरभरुन प्रतिसाद मिळाला.

त्यामुळे या योजनेला भविष्यात चांगला प्रतिसाद मिळेल, असा आशावाद अनेकांकडून व्यक्त केला जात आहे.  

अशी आहे शिवभोजन थाळी

30 ग्रामच्या 2 चपात्या

100 ग्रॅम भाजीची वाटी

150 ग्रॅम भात

100 ग्रॅम वरण

शिवभोजन योजनेनुसार जिल्ह्याला मिळणाऱ्या थाळ्या