Vat Purnima 2025 Wishes: वट पौर्णिमेला पाठवा या खास शुभेच्छा; जाणून घ्या मुहूर्त आणि योग्य पूजा विधी

Vat Purnima 2025: वट सावित्री किंवा वट पौर्णिमा हा सण महाराष्ट्रासह देशभरात सुहासिनी महिलांसाठी श्रद्धा, प्रेम आणि निष्ठेचं प्रतीक मानला जातो. पतीच्या दीर्घायुष्यासाठी आणि अखंड सौभाग्यासाठी हे व्रत ठेवले जाते. दरवर्षी ज्येष्ठ महिन्याच्या शुक्ल पक्षातील पौर्णिमेस हा सण साजरा होतो. 2025 साली वट पौर्णिमा 10 जून, मंगळवार रोजी आहे.

पूजन विधी आणि साहित्य

सकाळी लवकर स्नान करून स्वच्छ पारंपरिक वस्त्र परिधान करावं. वडाच्या झाडाजवळ जाऊन पूजन करावं. पूजेसाठी लागणारी साहित्य:

हळद, कुंकू, अक्षता, फुले

पंचपक्वान्न, फळे, धागा (सूत्र)

जलपात्र, साडी किंवा ओढणी

पूजनाची थाळी आणि सावित्री-सत्यवान व्रतकथा पुस्तक

हेही वाचा: Vat Purnima 2025: जाणून घ्या व्रताची पूजा विधी, शुभ मुहूर्त आणि खास माहिती

स्त्रिया वडाच्या झाडाभोवती सात प्रदक्षिणा घालून धागा गुंफतात. त्यानंतर व्रत कथा ऐकली जाते आणि उपवास करून दिवसभर पूजा केली जाते.

पूजा मुहूर्त

10 जून 2025 रोजी सकाळी 5:40 ते 10:45 या वेळेत वट वृक्षाची पूजा करणे अत्यंत शुभ मानले जाते.

वट पौर्णिमा; नात्याच्या श्रद्धेचा सण

सावित्रीने आपल्या सत्यवानासाठी यमराजाशी संघर्ष करून त्याला परत मिळवलं, हीच कथा आजही महिलांसाठी प्रेरणादायी आहे. आजही विवाहित स्त्रिया हा व्रत श्रद्धेने पाळतात आणि आपल्या पतीसाठी दीर्घायुष्याची प्रार्थना करतात.

हेही वाचा: Vat Purnima 2025: नवविवाहित महिलांनी अशा पद्धतीने साजरी करावी वटपौर्णिमा; जाणून घ्या पूजेची योग्य पद्धत आणि कथा

 वट पौर्णिमा 2025 साठी खास शुभेच्छा संदेश

1.
'वट वृक्षासारखी आपल्या प्रेमाची सावली कधीच कमी होऊ नये,
सावित्रीसारखा विश्वास आणि सत्यवानसारखं नातं आपल्यात नांदो.
वट पौर्णिमेच्या प्रेममय शुभेच्छा'

2.
'प्रेम, श्रद्धा, समर्पण आणि नात्याचा गहिवर…
वट सावित्री व्रताच्या दिवशी मिळो प्रत्येक स्त्रीला सौभाग्याचा वर.
वट पौर्णिमेच्या हार्दिक शुभेच्छा!'

3.
'सावित्रीसारखी ताकद आणि श्रद्धा प्रत्येक सुहासिनीला लाभो,
पती-पत्नीचं नातं असेल सदा प्रेमाने बहरलेलं.
वट पौर्णिमेच्या पवित्र दिनाच्या शुभेच्छा!'

4.
'हे व्रत आहे पतीच्या आरोग्यासाठी, आयुष्यभर साथीसाठी,
प्रेमाच्या आणि निष्ठेच्या गाठीसाठी…
वट सावित्री व्रताच्या मंगलमय शुभेच्छा!'

5.
'सावित्रीसारखी नारी होऊ दे प्रत्येक बायको,
सत्यवानसारखा प्रेमळ होऊ दे प्रत्येक नवरा.
वट पौर्णिमा सण साजरा होऊ दे श्रद्धेने आणि आनंदाने!'

वट पौर्णिमा हा फक्त सण नाही, तर नवजीवन देणारा एक भावनिक प्रवास आहे. नात्यांतील श्रद्धा, प्रेम आणि निष्ठेला वडाच्या झाडासम हक्काचं बळ देणारा हा दिवस तुम्हाला आणि तुमच्या कुटुंबाला वट सावित्री व्रताच्या हार्दिक शुभेच्छा.

(Disclaimer :वरील सर्व माहिती केवळ माहितीच्या उद्देशाने वाचक-प्रेक्षकांपर्यंत पोहोचवत आहे. यातून जय महाराष्ट्र कोणताही दावा करत नाही किंवा कोणत्याही प्रकारची जबाबदारी स्वीकारत नाही.)