“कामाख्या” च्या रुपातील तेजस्विनी

तेजस्विनी पंडीत  गेल्या दोन वर्षापासून नवरात्रोस्तवात वेगवेगळ्या संकल्पनांच्या माध्यमातून नारीशक्तीचा आविष्कार घडवत असते.  या वर्षी सुद्धा तिने जगभरातील काही महत्त्वाच्या प्रश्नांवर ती भाष्य करणार आहे. महाराष्ट्रातल्या वेगवेगळ्या देवींच्या रुपातून ती या समस्यांवर व्यक्त होणार आहे. नऊ दिवस तेजस्विनी पंडीत तिच्या या वेगवेगळ्या कलाकृतीतून आपल्या इन्स्टाग्राम अकाऊंटवर पोस्ट करत असते. या नवरात्रीच्या दुसऱ्याच दिवशी तिने “कामाख्या” च्या रुपातील फोटो पोस्ट करुन महत्त्वपूर्ण प्रश्न मांडला आहे.

”वेद , पुराण आणि संस्कृतीचा आपला देश प्रत्येक नव्या जीवाची निर्मिती होते. योनी मधून आणि म्हणूनच माझ्या या रूपात माझ्या योनीची पूजा होते. वेद सांगतात स्त्री प्रमाणे नदीही रजस्व संस्कारा नंतर जीवनाची (पाण्याची) नवनिर्मिती करते तेव्हा त्या काळात तिला स्पर्श करणं टाळावे. जिथे नदीला देखील अशाप्रमाणे सन्मान देण्याची रीत आहे.  तिथेच प्रत्येक वर्षी ३०,००० हून अधिक शिलांचं हनन होतंय, ज्या योनीची पूजा व्हावी तिच्यावर निर्घृण वार केले जातात हे कसं सहन करू मी ? दुधाचे दात देखील न आलेल्या माझ्या लेकी वासनेला बळी पडतात तेव्हा त्यासाठी कुणाला जबाबदार ठरवू मी?” या रुपाचं महत्त्व सांगत तिने असे लिहिलं आहे.

मुंबईतील वाहतूककोडींची समस्या मांडताना ती मुंबादेवीच्या रुपाचा आधार घेणार आहे. तर या वर्षी वाघांची शिकार ही जास्त प्रमाणात झाली आहे. हे मांडताना ती माँ शेरावालीचं रुप दाखवणार आहे.

तसचं दहाव्या दिवशीच म्हणजेच दसऱ्या दिवशी आपल्यातल्या रावणाचं, म्हणजेच चुकीच्या सवयीचं दहन कसे करायचं या गोष्टीचा संदेश ती कलाकृतीमधून देणार आहे.