चीन-भारतामध्ये सुरु असलेल्या तणावरुन शिवसेनेची सामनातून सडेतोड टीका

जय महाराष्ट्र न्यूज, मुंबई

चीन-भारतमध्ये तणाव सुरू असताना सत्ताधारी आणि विरोधकांनी गुजरात राज्यसभा निवडणुकीवर लक्ष केंद्रीत केले.

यावर शिवसेनेनं सामनातून सडेतोड टीका करत, टोले लगावलेत.

सामनातून नक्की काय म्हणण्यात आले 

– देश संकटात असताना सत्ताधारी व विरोधक गुजरातच्या एका राज्यसभा जागेसाठी एकमेकांवर तलवारी चालवतात. हे राजकारण किळस आणणारे आहे

– पण ‘हमाम में सब नंगे’ अशीच सध्या स्थिती असल्याने दोष तरी कोणाला द्यायचा?

– चीनशी मुकाबला करण्यासाठी आणि सीमांचे रक्षण करण्यासाठी सर्वांनीच छातीचा कोट करून लढण्याची तयारी करायला हवी

– पण गुजरातमधील राज्यसभा निवडणुकीत कोण जिंकणार, कोण हरणार यावरच सत्ताधारी व विरोधी पक्षाने बराच वेळ, पैसा, सत्ता व दबंगगिरी खर्च केली

– गुजरातमधील राज्यसभा निवडणुकीत पटेल यांना पाडण्यासाठी सत्तेचा दुरुपयोग आणि काळ्या पैशांचा अमाप वापर झाला या आरोपांत तथ्य असेल…

– तर मग देशात स्वच्छ काय झाले? डबकी तशीच आहेत व सगळ्यांचाच विहार याच डबक्यांत सुरू आहे

– हिंदुस्थानातील डोक्यांची डबकी झाल्याची खबर चीनला असल्यानेच कश्मीरमध्ये सैन्य घुसवण्याच्या धमक्या चीन देत असावा

– गुजरातच्या राज्यसभा निवडणुकीसाठी दोन्ही बाजूंनी लावलेली ताकद डोकलामला लावली असती तरचिनी सैन्याने एव्हाना माघार घेतली असती असा टोला उद्धव

ठाकरेंनी सत्ताधारी आणि विरोधकांना लगावलाय.