मास्टर-ब्लास्टर सचिनने सेहवागला दिले 1 कोटी 14 लाखांचं स्पेशल सरप्राईज
वृत्तसंस्था, नवी दिल्ली
क्रिकेट जगतात विरेंद्र सेहवाग आणि सचिन तेंडुलकरच्या जोडीची धमाल प्रत्येक क्रिकेट चाहत्याच्या आठवणीत आहे. दोघंही फलंदाजीसाठी उतरले की गोलंदाजाला घाम फुटायचा आणि मैदानावर धावांचा पाऊस पडायचा.
सेहवाग आणि सचिन पार्टनरच नाहीत तर खूप चांगले मित्र देखील आहेत. म्हणूनच की काय क्रिकेटमधून निवृत्ती घेतल्यानंतरही दोघांची मैत्री तितकीच घट्ट आहे.
वीरेंद्र सेहवागने नुकताच एका बीएमडब्लू कारसोबतचा फोटो ट्विटरवर पोस्ट केला. हा फोटो शेअर करताना त्यानं बीएमडब्लू कार आणि सचिन तेंडुलकरला मेंशन करुन आभार मानलेत.
या पोस्ट वरूनच समजतंय की सचिन तेंडुलकरनं आपल्या बॅटिंग पार्टनरला बीएमडब्ल्यू 7 सिरीजची एक कार गिफ्ट केली. दसऱ्याला महागडी कार गिफ्ट म्हणून मिळाल्यानं सेहवाग भलताच खुश झाला आहे.
जय महाराष्ट्र न्यूजवर ताज्या बातम्या आणि ब्रेकिंग न्यूज वाचा. अधिक माहितीसाठी भारताच्या बातम्या ब्राउझ करा.