प्रिया दत्त यांना काँग्रेसने सचिवपदावरून हटवले,प्रिया दत्त म्हणाल्या…
काँग्रेस नेत्या आणि माजी खासदार प्रिया दत्त यांना पक्षाने सचिवपदावरून हटवले आहे. अखिल भारतीय काँग्रेस कमिटीचे महासचिव अशोक गहलोत यांनी दत्त यांना पत्र पाठवून या निर्णयाची माहिती दिली आहे.
दरम्यान, मुंबई प्रदेश काँग्रेसच्या रविवारी झालेल्या बैठकीत प्रिया दत्त यांना उत्तर-मध्य मुंबई मतदार संघातून लोकसभेची उमेदवारी जाहीर करण्यात आली होती. मात्र स्थानिक कार्यकर्त्यांनी प्रिया दत्त यांच्या उमेदवारीस विरोध केला होता.
अखिल भारतीय काँग्रेस कमिटीचे महासचिव अशोक गहलोत यांनी 26 सप्टेंबर रोजी प्रिया दत्त यांना या संदर्भात पत्र पाठवले होते. या पत्रात प्रिया दत्त यांच्या कार्याचे कौतुक करण्यात आले आहे. तसेच पक्षाला भविष्यातही त्यांच्या योगदानाची गरज भासेल, असे सांगण्यात आले आहे.
या संदर्भात प्रिया दत्त यांनी ट्विट करून आपण पक्षावर नाराज नसल्याचं स्पष्ट केलंय. एकाच व्यक्तीने कितीवेळ पदावर टिकटून राहावं, अशानं नव्या लोकांना संधी कशी मिळणार… अशा आशयाचं वक्तव्य ट्विटमध्ये त्यांनी म्हटलंय.
Want to clarify there is nothing to be upset about this letter, this is a process, I have been AICC secretary long enough, new and young people need to be brought into the organisation. If each one holds on to positions forever where will the other aspirants go. — Priya Dutt (@PriyaDutt_INC) October 1, 2018
जय महाराष्ट्र न्यूजवर ताज्या बातम्या आणि ब्रेकिंग न्यूज वाचा. अधिक माहितीसाठी भारताच्या बातम्या ब्राउझ करा.