संभाजी भिडेंना 8 दिवसांत अटक करा ; प्रकाश आंबेडकरांचा सरकारला अल्टीमेटम
जय महाराष्ट्र न्यूज, मुंबई
संभाजी भिंडेंना 8 दिवसांत अटक करा, अन्यथा विधानभवना घेराव घालू असा इशारा प्रकाश आंबेडकरांनी दिला आहे. मुख्यमंत्र्यांबरोबर झालेल्या चर्चेनंतर आझाद मैदानावर केलल्या भाषणात त्यांनी सरकारवर जोरदार प्रहार केलाय. आरोपी क्रमांक 2 म्हणजेच मिलिंद एकबोटेंना अटक होते तर संभाजी भिडे या आरोपी क्र. 1 ना अटक का होत नाही, असा सवाल करत त्यांनी सरकारला धारेवर धरलं.
शिवाय संभाजी भिडेंना पंतप्रधानांची फूस असल्याचा गंभीर आरोप आंबेडकर यांनी यावेळी केलाय. गेल्या 2 महिन्यांपासून आंदोलनाचा इशारा देऊनही सरकारने भिडे यांनी अटक केली नाहीये. म्हणूनच हा एल्गार मोर्चा काढावा लागला, असं म्हणतानाच येत्या 8 दिवसांत संभाजी भिडेंना अटक न झाल्यास आंदोलन आणखी तीव्र करण्याचा इशारा आंबेडकरांनी यांनी यावेळी दिलाय.
जय महाराष्ट्र न्यूजवर ताज्या बातम्या आणि ब्रेकिंग न्यूज वाचा. अधिक माहितीसाठी भारताच्या बातम्या ब्राउझ करा.