देवेंद्र फडणवीस यांचा पुन्हा चमत्कार
प्रतिक्षेत असलेला विधान परिषद निवडणुकीचा निकाल समोर आला आहे. विधान परिषद निवडणुकीत विरोधी पक्षनेते देवेंद्र फडणवीस यांचा पुन्हा चमत्कार पाहायला मिळाला आहे. सर्वांचे लक्ष असलेल्या भाजपचे प्रसाद लाड आणि काँग्रेसचे भाई जगताप यांच्यात चुरशीची लढत झाली असून प्रसाद लाड यांनी बाजी मारली आहे. अशाप्रकारे, विधान परिषद निवडणुकीत भाजपाचे सर्व ५ उमेदवार विजयी झाले आहेत. राष्ट्रवादी काँग्रेसचे २, शिवसेनेचे २ आणि काँग्रेसचा १ उमेदवार विजयी झाले आहेत.
विधानपरिषद निवडणुकीत भाजपचे उमेदवार प्रवीण दरेकर, राम शिंदे, श्रीकांत भारतीय, उमा खापरे, प्रसाद लाड विजयी झाले आहेत. शिवसेनेचे उमेदवार सचिन अहिर आणि आमश्या पाडवी विजयी झाले आहेत. राष्ट्रवादी काँग्रेसचे उमेदवार रामराजे निंबाळकर आणि एकनाथ खडसे विजयी झाले आहेत. तसेच काँग्रेसचा एक उमेदवार भाई जगताप विजयी झाले आहेत. मात्र, काँग्रेसचा दुसरे चंद्रकांत हंडोरे यांचा पराभव झाला आहे.
कोणत्या उमेदवाराला किती मत?
भाजप उमेदवार
- प्रवीण दरेकर २९
- श्रीकांत भारतीय ३०
- राम शिंदे ३०
- उमा खापरे २७
- प्रसाद लाड २८
शिवसेनेचे उमेदवार
- सचिन अहिर २६
- आमशा पडवी २६
राष्ट्रवादीचे उमेदवार
- एकनाथ खडसे २९
- रामराजे निंबाळकर २८
काँग्रेसचे उमेदवार
- भाई जगताप २६
काँग्रेसचे उर्वरित एक उमेदवार चंद्रकांत हंडोरे यांना २२ मतं मिळाली असून विधानपरिषद निवडणुकीत त्यांचा पराभव झाला आहे.
जय महाराष्ट्र न्यूजवर ताज्या बातम्या आणि ब्रेकिंग न्यूज वाचा. अधिक माहितीसाठी भारताच्या बातम्या ब्राउझ करा.