मित्राच्याच मुलीला त्याने फसवले
जय महाराष्ट्र न्यूज, मुंबई
नवी मुंबईत अल्पवयीन मुलीवर बलात्कार करणाऱ्या नराधमाला पोलिसांनी अटक केलीय. नासिर मुल्ला असं या आरोपीचं नाव आहे. या नराधमाने मित्राच्याच अल्पवयीन मुलीला फसवून तिला पळवून नेलं. तिच्यावर त्याने बलात्कारही केला. यात पीडित मुलगी गरोदर राहिली.
दरम्यान आपली मुलगी पळून गेल्यापासून आपला मित्र देखील घरी येत नसल्याचं पीडित मुलीच्या वडिलांच्या लक्षात आलं. त्यानंतर त्यांनी तात्काळ पोलीस ठाण्याकडे धाव घेतली. याप्रकरणी पीडितेच्या वडिलांच्या तक्रारीवरून पनवेल पोलिसांनी आरोपी नराधमाला बेड्या ठोकल्या.
जय महाराष्ट्र न्यूजवर ताज्या बातम्या आणि ब्रेकिंग न्यूज वाचा. अधिक माहितीसाठी भारताच्या बातम्या ब्राउझ करा.