Maharashtra Rain Red Alert: पुढील 3 तास धोक्याचे, नागरिकांना सावधानतेचा इशारा; ‘या’ जिल्ह्यांना जारी केला रेड अलर्ट
राज्यभरात आता मान्सून सक्रिय होण्यास सुरूवात झाली आहे. मुंबईसह अनेक जिल्ह्यांना पावसाने अक्षरश: झोडपून काढलं आहे. मुंबई प्रादेशिक हवामान केंद्राने मुंबई, ठाणे, पालघर आणि रायगड या चारही जिल्ह्यांसाठी पुढील 3 तासांसाठी 'रेड अलर्ट' जारी केला आहे.
ठाणे आणि सखल भागांमध्ये रात्रीभर झालेल्या जोरदार पावसामुळे पाणी साचण्याची स्थिती निर्माण झाली होती. मात्र, पालिका प्रशासनाने तत्काळ पाणी उपसा करून परिस्थिती नियंत्रणात आणली असून वाहतूक सुरू ठेवण्यात आली आहे. त्याचप्रमाणे पूर्व द्रुतगती महामार्ग, घोडबंदर रोड तसेच कल्याण आणि नाशिक दिशेने जाणाऱ्या मार्गांवर वाहतूक मंद गतीने सुरू आहे.
मुंबईमध्ये पुढील चार दिवस जोरदार पावसाचा इशारा देण्यात आला आहे. काही ठिकाणी 24 तासांत 200 मिमीपर्यंत अतिवृष्टी होण्याची शक्यता आहे.
गेल्या 3 दिवसांपासून पालघरला पावसाने झोडपून काढले आहे. आजच्या 'रेड अलर्ट'च्या पार्श्वभूमीवर पालघरच्या जिल्हाधिकारी इंदुराणी जाखड यांनी जिल्ह्यातील सर्व शाळा, महाविद्यालये आणि अंगणवाड्यांना सुट्टी जाहीर केली आहे.
जय महाराष्ट्र न्यूजवर ताज्या बातम्या आणि ब्रेकिंग न्यूज वाचा. अधिक माहितीसाठी भारताच्या बातम्या ब्राउझ करा.