क्षुल्लक कारणावरुन शिवसेनेच्या दोन नगरसेविकांमध्ये राडा आणि नंतर हाणामारी

जय महाराष्ट्र न्यूज, कल्याण

बॅनर लावण्याच्या क्षुल्लक कारणावरुन शिवसेनेच्या दोन नगरसेविकांमध्ये राडा झाल्याची घटना कल्याण पूर्वेत घडली. या प्रकरणी कोळसेवाडी पोलिस ठाण्यात परस्परविरोधी गुन्हे दाखल करण्यात आले आहेत.

कल्याण पूर्वेत शीतल भंडारी आणि माधुरी काळे या प्रभाग 98 च्या शिवसेनेच्या नगरसेविका आहेत. त्यात काळे यांनी भंडारी यांच्या प्रभागात मागच्या टर्ममध्ये झालेल्या कामाचा बॅनर एका सोसायटीने लावल्याने या दोघींमध्ये वाद झाला आणि त्याचं पर्यवसान हाणामारीत झालं.

हा वाद पोलिस ठाण्यात गेल्यानंतर कोळसेवाडी पोलिसांनी रात्री उशिरा माधुरी काळे यांच्याविरोधात अॅट्रोसिटी आणि मारहाणीचा गुन्हा दाखल करण्यात आला.

तर, भंडारी आणि त्यांच्या एका कार्यकर्त्याच्या विरोधात विनयभंग आणि मारहाणीचा गुन्हा दाखल करण्यात आलाय. याप्रकरणी अद्याप कोणालाही अटक करण्यात आलेली नसून दोन्ही नगरसेविकांनी एकमेकांवर आरोप केले आहेत.