Apple iphone Prices : iPhone 17 Pro घ्यायचा विचार करताय?; आधी Flipkart वर ‘या’ iphone ची डिस्काऊंटेड प्राईज तरी पाहा, मग ठरवा
Apple चा नवीन iPhone घेण्याची योजना आखणाऱ्यांसाठी सध्या उत्तम संधी उपलब्ध झाली आहे. Flipkart वर iPhone 16 Pro ला मोठा डिस्काउंट मिळाला आहे आणि त्यामुळे हे मॉडेल सध्या सर्वात आकर्षक फ्लॅगशिप ऑफर्सपैकी एक झाले आहे. मात्र, iPhone 17 Pro लाँच झाल्यानंतर अनेकांना प्रश्न पडतो की स्वस्तात iPhone 16 Pro विकत घ्यावा की अधिक खर्च करून Apple चा सर्वात नवीन आणि प्रीमियम iPhone 17 Pro घ्यावा.
Flipkart वर iPhone 16 Pro ची किंमत 99,999 रुपये दाखवली जात आहे, जी त्याच्या मूळ किंमती 1,09,999 रुपयांपेक्षा खूप कमी आहे. याशिवाय, Flipkart Axis Bank आणि SBI क्रेडिट कार्डवर 4,000 रुपयांची अतिरिक्त सूट मिळू शकते, ज्यामुळे फोनची खरी किंमत 95,999 रुपये इतकी येते. एकूण 13,901 रुपयांची सूट मिळाल्याने हा फोन सध्या अत्यंत किफायतशीर ठरत आहे. शिवाय, फ्लिपकार्टवर एक्स्चेंजमध्ये तुमच्या जुन्या मोबाईलच्या मॉडेलनुसार आणि स्थितीनुसार जास्तीत जास्त 68,050 रुपयांपर्यंत किंमत मिळू शकते.
iPhone 16 Pro मध्ये 6.3-inch Super Retina XDR OLED डिस्प्ले देण्यात आला आहे, ज्यामध्ये HDR10 सपोर्ट आहे. बाहेरच्या प्रकाशात 2000 nits पीक ब्राइटनेस मिळतो. स्क्रीनवर oleophobic coating दिल्यामुळे फिंगरप्रिंटचे डाग पटकन दिसत नाहीत. स्क्रीनचा आकार कॉम्पॅक्ट असल्यामुळे एकहाती वापर सोपा वाटू शकतो, पण काही वापरकर्त्यांना मोठ्या स्क्रीनचे फोन्स अधिक आवडतात. या फोनमध्ये Apple चा शक्तिशाली A18 Pro Bionic प्रोसेसर आहे, जो TSMC च्या 3nm प्रक्रिया तंत्रज्ञानावर आधारित आहे. यात 6-core CPU दिले असून त्यामध्ये दोन performance cores आणि चार efficiency cores आहेत. फोन 8GB RAM सह येतो, आणि 128GB व 256GB या स्टोरेज पर्यायांत उपलब्ध आहे.
कॅमेऱ्यांच्या बाबतीत iPhone 16 Pro मध्ये दोन सेन्सर्स असलेले कॅमेरा सेटअप आहे. यात 48MP primary camera, 12MP ultrawide camera आणि 12MP front camera मिळतो. अल्ट्रावाइड सेन्सर 2x आणि 5x Optical Zoom देऊ शकतो, जे फोटोग्राफी आणि व्हिडिओग्राफीसाठी चांगले आहे. तरीही, जर तुम्हाला सध्या बाजारातील सर्वात उत्कृष्ट Apple अनुभव घ्यायचा असेल आणि काही हजार रुपये जास्त खर्च करण्यास हरकत नसेल, तर iPhone 17 Pro हा अधिक चांगला पर्याय ठरू शकतो. या मॉडेलमध्ये सुधारित कॅमेरे, अधिक चांगले कूलिंग आणि भविष्यातील अपडेट्ससाठी अधिक फ्युचर-प्रूफ तंत्रज्ञान देण्यात आले आहे. iPhone 17 Pro ची किंमत सध्या सुमारे 1,30,000 रुपये आहे. त्याच्या उत्कृष्ट सेल्फी कॅमेऱ्यामुळे आणि एकूणच परफॉर्मन्समुळे तो प्रीमियम अनुभव शोधणाऱ्यांसाठी योग्य आहे.
जय महाराष्ट्र न्यूजवर ताज्या बातम्या आणि ब्रेकिंग न्यूज वाचा. अधिक माहितीसाठी भारताच्या बातम्या ब्राउझ करा.