India vs Pakistan Fight Video : भारत-पाकिस्तान T20 सामन्यादरम्यान महिला खेळाडू भिडल्या?; जाणून घ्या व्हायरल व्हिडीओचं सत्य

आधुनिक एआयच्या दुनियेत काहीही बघायला मिळू शकतं. अशीच एक धक्कादायक घटना सोशल मीडियावर सध्या व्हायरल होत आहे. नुकताच महिला टी-20 विश्वचषक 2026 स्पर्धेत रविवारी भारताने पाकिस्तानवर दणदणीत विजय मिळवला. त्याच वेळी दोन्ही संघांच्या खेळाडूंचा एक व्हिडिओ सोशल मीडियावर मोठ्या प्रमाणावर व्हायरल झाला. या व्हिडिओमध्ये एक पाकिस्तानी खेळाडू खेळपट्टीच्या मध्यभागी भारतीय फलंदाजावर हल्ला करताना दिसत आहे. ज्यामुळे पंचांना आणि इतर खेळाडूंना हस्तक्षेप करून त्यांना वेगळे करावे लागले. हा व्हिडिओ व्हायरल होताच सीमापार दोन्ही देशांतील चाहत्यांनी त्यावर विविध प्रतिक्रिया दिल्या. काहींनी तर ही घटना खरोखर घडली होती का, अशी शंकाही उपस्थित केली. मात्र, हा व्हिडिओ बनावट आहे.

सामन्याचा विचार करता, उपकर्णधार स्मृती मानधनाचे शानदार अर्धशतक, रिचा घोषची आक्रमक खेळी आणि दीप्तीची पाच बळींची कामगिरी ही या सामन्याची वैशिष्ट्ये ठरली. या कामगिरीच्या जोरावर 50 षटकांच्या फॉरमॅटमधील विजेत्या असलेल्या भारतीय संघाने रविवारी बर्मिंगहॅम येथे पाकिस्तानवर 64 धावांनी विजय मिळवून आपल्या आयसीसी महिला टी-20 विश्वचषक मोहिमेची दमदार सुरुवात केली.

Sherni #indvspak pic.twitter.com/21yjTnK1gi — Sunil Gavaskar (@virender_swag) June 14, 2026

चार षटकांत 10 धावांत 5 बळी घेतल्यानंतर, दीप्ती सामन्यानंतरच्या सादरीकरणात म्हणाली, “मी खूप आभारी आहे. मला अशा प्रकारच्या खेळपट्ट्या आवडतात. याचे सर्व श्रेय संघाला जाते आणि मी खूप आभारी आहे. हनुमानजी महान आहेत. मला आयसीसी स्पर्धा आवडतात. मला वाटते की खेळपट्टी फिरकीला साथ देत असल्यामुळे, मी प्रत्येक चेंडूवर आणि प्रत्येक षटकात माझ्या गतीमध्ये बदल केला. त्याचा मला खूप फायदा झाला. मला हवेत थोडा कमी वेग ठेवून गोलंदाजी करावी लागली, फक्त स्वतःवर विश्वास ठेवून योग्य ठिकाणी गोलंदाजी करावी लागली. मी तेच करत होते.”

हेही वाचा : Plane Crash News : मोठी बातमी! उड्डाण घेताच स्कायडायव्हिंग विमान जळून खाक; 12 जणांचा होरपळून मृत्यू

या अत्यंत चुरशीच्या सामन्यासाठी 18,814 प्रेक्षकांची प्रचंड गर्दी जमली होती. महिला टी-20 विश्वचषकाच्या गट फेरीतील सामन्यासाठीची ही आतापर्यंतची सर्वाधिक उपस्थिती ठरली. भारतीय संघाला चाहत्यांकडून मिळालेल्या पाठिंब्याबद्दल दीप्तीने आनंद व्यक्त केला. “प्रत्येक सामन्यात आम्हाला हेच हवे असते की त्यांनी असेच येत राहावे आणि पाठिंबा देत राहावा. विशेषतः मला स्मृती आणि हॅरी दी यांच्या भागीदारीचा उल्लेख करायचा आहे. तिथूनच सामन्याचे चित्र बदलले,” असे ती पुढे म्हणाली. स्पर्धेच्या पूर्व तयारीदरम्यान काही सामन्यांत विकेट्स न मिळाल्याबद्दल ती म्हणाली, “विकेट्स न मिळाल्यामुळे मी कधीच चिंतेत पडले नाही. उलट, योग्य वेळ येताच मी संघासाठी नक्कीच योगदान देईन, असा मला स्वतःवर नेहमीच विश्वास असतो. माझी खेळण्याची आणि गोलंदाजी करण्याची पद्धत अशीच आहे.”