इंग्लंडविरुद्धचा शेवटचा T20 सामना मुंबईच्या वानखडे मैदानात

मुंबई: भारताने टी 20 मालिका आधीच 3-1 ने जिंकली असली, तरी फलंदाजीतील अडचणी दूर करण्यासाठी ते इंग्लंडविरुद्धच्या पाचव्या आणि शेवटची संधी असेल. दुसरीकडे, इंग्लंड संघ पुण्यातील टी-20 सामन्यातील वादग्रस्त कन्कशन बदलामुळे नाराज असून, तो सामना केवळ 15 धावांनी हरल्याने बदला घेण्याच्या मानसिकतेत आहे.

टीम इंडिया कर्णधार सूर्यकुमार यादव आणि सलामीवीर संजू सॅमसनला फॉर्म मिळावा, अशी संघ व्यवस्थापनाची अपेक्षा आहे. इंग्लंडने हर्षित राणाच्या प्रभावी पदार्पणावर नाराजी व्यक्त केली आहे. त्याला कन्कशन सबस्टिट्यूट म्हणून संधी मिळाली होती, कारण सामना सुरू असताना शेवटच्या षटकात जेमी ओव्हर्टनच्या दुसऱ्या अखेरच्या चेंडूवर शिवम दुबेच्या हेल्मेटला जोरदार फटका बसला आणि तो जखमी झाला.

भारतीय फिरकीपटूंनी या मालिकेत शानदार प्रदर्शन केले असून, वरुण चक्रवर्तीने आघाडी घेतली आहे. मात्र, सूर्यकुमार यादव आणि संजू सॅमसनच्या खराब फॉर्मची चिंता कायम आहे. सॅमसनच्या चार सामन्यांत केवळ 35 धावा केल्या असून, वेगवान गोलंदाजांसमोर विशेषतः शॉर्ट पिच चेंडूंसमोर त्याची अडचणीत आला आहे. सूर्यकुमारही बांगलादेशविरुद्धच्या शेवटच्या उत्कृष्ट खेळीनंतर मोठी खेळी करण्यात अपयशी ठरत आहे.

दरम्यान, रिंकू सिंगच्या चांगल्या कामगिरीमुळे काही चिंता दूर झाल्या आहेत. भारताने वेगवान गोलंदाज अर्शदीप सिंगला विश्रांती देऊन अनुभवी मोहम्मद शमीला संघात संधी देण्याचा विचार केला आहे. शमीला आगामी एकदिवसीय मालिकेपूर्वी आणखी एक सामना खेळण्याची संधी मिळेल. दुसरीकडे, इंग्लंडसाठी ही मालिका कठीण गेली असून, हॅरी ब्रूकने काही विशेष कामगिरी कलेची नाही, ब्रूकला फिरकीविरुद्ध  संघर्ष करावा लागला. 

भारत: सूर्यकुमार यादव (कर्णधार), संजू सॅमसन, अभिषेक शर्मा, तिलक वर्मा, हार्दिक पांड्या, रमनदीप सिंग, शिवम दुबे, अक्षर पटेल, हर्षित राणा, अर्शदीप सिंग, मोहम्मद शमी, वरुण चक्रवर्ती, रवी बिश्नोई, वॉशिंग्टन सुंदर, ध्रुव जुरेल.

इंग्लंड: जोस बटलर (कर्णधार), रेहान अहमद, जोफ्रा आर्चर, गस ऍटकिन्सन, जेकब बेथेल, हॅरी ब्रूक, ब्रेडन कार्स, बेन डकेट, जेमी ओव्हर्टन, जेमी स्मिथ, लियाम लिविंगस्टोन, आदिल रशीद, साकिब महमूद, फिल सॉल्ट, मार्क वुड.