वो ही ‘गुरू’… ‘गुरूर’ भी वो ही!

गेल्या काही दिवसांमध्ये महाराष्ट्रात सुरु असलेल्या राजकीय सत्तानाट्यातील प्रमुख पात्रांपैकी एक असलेले शिवसेना खासदार संजय राऊत यांनी गुरुपौर्णिमेनिमित्त एक खास ट्विट केले आहे. यामध्ये संजय राऊत यांनी शिवसेनाप्रमुख बाळासाहेब ठाकरे यांच्यासोबतचे छायाचित्रे ट्विट केले आहे. या छायाचित्रासोबत संजय राऊत यांनी, ‘वो ही ‘गुरू’… ‘गुरूर’ भी वो ही! जय महाराष्ट्र!!’ अशी कॅप्शनही लिहले आहे.

वो ही 'गुरू'… 'गुरूर' भी वो ही!
जय महाराष्ट्र!! pic.twitter.com/KFSWxUlYvw — Sanjay Raut (@rautsanjay61) July 13, 2022

गेल्या काही दिवसांत एकनाथ शिंदे यांच्या बंडामुळे शिवसेनेच्या अस्तित्त्वाचा प्रश्न निर्माण झाला आहे. शिवसेनेत उद्धव ठाकरे आणि एकनाथ शिंदे असे दोन गट पडले आहेत. यापैकी एकनाथ गेल्या काही दिवसांत एकनाथ शिंदे यांच्या बंडामुळे शिवसेनेच्या अस्तित्त्वाचा प्रश्न निर्माण झाला आहे. शिवसेनेत उद्धव ठाकरे आणि एकनाथ शिंदे असे दोन गट पडले आहेत. यापैकी एकनाथ शिंदे गटाकडून सातत्याने आपण बाळासाहेब ठाकरे यांच्या विचारांचे पाईक असल्याचा दावा केला जात आहे. आम्ही बाळासाहेबांच्या विचारसरणीचे असल्यामुळे आम्हाला महाविकास आघाडीसोबत राहणे शक्य नाही. त्यामुळे आम्ही उठाव केल्याचे शिंदे गटाकडून सांगितले जात आहे. तसेच आपला पक्ष हाच बाळासाहेब ठाकरे यांची मूळ शिवसेना असल्याचा दावा मुख्यमंत्री एकनाथ शिंदे सातत्याने करत आहेत. त्यामुळे आता आम्हीच खरी शिवसेना यावरुन सध्या उद्धव ठाकरे आणि एकनाथ शिंदे गटात संघर्ष पाहायला मिळत आहे.

२०१९ मध्ये महाविकास आघाडी स्थापन होण्यापूर्वीही संजय राऊत हे दररोज गूढ आणि सूचक अर्थाची शेरोशायरी करताना दिसून आले होते. त्यावेळी संजय राऊत यांची ट्विटस प्रचंड चर्चेत असायची. आतादेखील पुन्हा एकदा महाराष्ट्रातील राजकारण निर्णायक टप्प्यावर असताना संजय राऊत यांनी अशाचप्रकारे ट्विटस करायला सुरुवात केली आहे. कालच संजय राऊत यांनी एक ट्विट केले होते. संजय राऊत यांनी या ट्विटच्या माध्यमातून बंडखोरांना सूचक इशारा दिला होता. ‘अब नही कोई बात खतरे की,अब सभी को सभी से खतरा हैं..’ अशा अर्थगर्भ ओळी या ट्विटमध्ये आहेत. एवढेच नव्हे तर संजय राऊत यांनी या ट्विटमध्ये देवेंद्र फडणवीस, एकनाथ शिंदे आणि प्रियांका गांधी यांनाही टॅग केले आहे. त्यामुळे आता संजय राऊत यांच्या या ट्विटचा नेमका अर्थ काय, याविषयी राजकीय वर्तुळात तर्कवितर्क लढवले जात आहेत.