Gold-Silver Rate: घाई करा! सोनं-चांदीचे दर कोसळले, चांदीमध्ये 2,291 रूपयांची घसरण तर…
आज सोने आणि चांदीच्या दरात घसरण झाली. एमसीएक्सवर सुरुवातीच्या व्यवहारात सोन्यात 500 रुपयांहून अधिक, तर चांदीत 2,291 रुपयांची घसरण झाली. अमेरिकेचे अध्यक्ष डोनाल्ड ट्रम्प यांनी इराणसोबतची चर्चा अंतिम टप्प्यात असल्याचे सांगितल्याने पश्चिम आशियात शांततेची आशा निर्माण झाली आहे.
दरम्यान, अमेरिकन ट्रेझरी बाँड्समध्ये घसरण झाली आहे, तर शेअर बाजारात तेजी आली आहे. याचा परिणाम सोने आणि चांदीवर होत आहे. एमसीएक्सवर 5 जून डिलिव्हरीचे सोने मागील सत्रात प्रति 10 ग्रॅम 1,60,006 रुपयांवर बंद झाले, तर आज ते 1,59,900 रुपयांवर उघडले. आज सकाळच्या व्यवहारात त्यात 515 रुपयांची घसरण होऊन ते 1,59,491 रुपयांवर आले.
त्याचप्रमाणे, 3 जुलै डिलिव्हरीचे चांदीदेखील मागील सत्रात प्रति किलो 2,74,265 आणि सकाळच्या व्यवहारात 2,291 रुपयांच्या घसरणीसह 2,71,974 रुपयांवर आले.
हेही वाचा – Pune Crime: पुणे बालाजीनगर अक्षय म्हस्के गोळीबार प्रकरण; आंदेकर टोळीवर गुन्हा दाखल, सहा आरोपींना अटक
दरम्यान, सराफा बाजारात सोने आणि चांदीच्या दरात वाढ झाली आहे. 'गुड रिटर्न्स'नुसार, 24-कॅरेट सोन्याचा भाव ४९० रुपयांनी वाढून 1,59,930 रुपयांवर पोहोचला आहे. 22 -कॅरेट सोन्याचा भाव 450 रुपयांनी वाढून 1,46,600 रुपये झाला आहे, तर 18-कॅरेट सोन्याचा भाव 370 रुपयांनी वाढून 1,19,950 रुपये झाला आहे. चांदीच्या दरातही 5000 रुपयांची वाढ होऊन तो 2,85,000 रुपये प्रति किलो झाला आहे.
जय महाराष्ट्र न्यूजवर ताज्या बातम्या आणि ब्रेकिंग न्यूज वाचा. अधिक माहितीसाठी भारताच्या बातम्या ब्राउझ करा.