Gold Price Today: सोन्याच्या दराने पुन्हा गाठली नवी उंची; काय आहे 10 ग्रॅम सोन्याचा भाव? जाणून घ्या

Gold Price Today: मार्च महिना संपला असून आणि आज मंगळवारपासून एप्रिल महिना सुरू झाला आहे. आज सोन्याचा दर प्रति 10 ग्रॅम 930 रुपयांनी वाढला आहे आणि चांदीचा दर प्रति किलो 1000 रुपयांनी वाढला आहे. नवीन किमतींनंतर, सोन्याचे भाव 92 हजार रुपयांच्या वर आणि चांदीचे भाव 1 लाख रुपयांच्या वर आहेत. 

मंगळवारी भारतात सोन्याच्या किमतींनी आतापर्यंतचा उच्चांक गाठला. मल्टी कमोडिटी एक्सचेंज (MCX) वर सोन्याचा भाव 91,400 रुपये प्रति 10 ग्रॅम या नवीन उच्चांकावर पोहोचला. गुड रिटर्न्स न्यूजनुसार, 24 कॅरेट सोन्याची किंमत प्रति 10 ग्रॅम 92000 रुपयांपेक्षा जास्त आहे. चांदीच्या किमतीतही वाढ दिसून आली. 

हेही वाचा – Medicine Price Hike: आजपासून 1 हजार हून अधिक औषधे महागली

चांदीच्या किमतींमध्ये तेजी – 

दरम्यान, एमसीएक्सवर चांदीच्या किमतींमध्येही तेजी दिसून आली. तथापि, ती त्याच्या सर्वोच्च पातळीच्या जवळ व्यवहार करत आहे. दरम्यान, MCX वर चांदीच्या किमती 0.6% वाढून 1,00,600 रुपये प्रति 1 किलोवर व्यवहार करत होत्या. दिवसभरात चांदीने 1,00,900 रुपये प्रति 1 किलोचा उच्चांक गाठला होता. MCX चांदीचा सर्वकालीन उच्चांक 1,04,108 रुपये प्रति 1 किलो आहे.

हेही वाचा – Ghibli Images आता मोफत तयार करता येणार! CEO Sam Altman यांची मोठी घोषणा; पंतप्रधान मोदींची घिबली इमेज केली शेअर

जागतिक अनिश्चिततेमुळे एप्रिलमध्ये सोन्याचा भाव 1 लाख रुपयांपर्यंत पोहोचण्याची शक्यता आहे. किरकोळ दुकानांमध्ये, 24 कॅरेट सोन्याची किंमत प्रति 10 ग्रॅम 92,840 रुपये आहे, तर 22 कॅरेट आणि 18 कॅरेट सोन्याची किंमत प्रति 10 ग्रॅम 85,100 रुपये आणि 69,630 रुपये आहे. इतर देशांच्या तुलनेत भारतात सोन्याचा भाव सर्वाधिक आहे.