‘हळवे-सहृदयी व्यक्तिमत्व हरपले’ – शरद पवार

ज्येष्ठ साहित्यिक आणि सामाजिक कार्यकर्ते अनिल अवचट यांचे निधन झाले आहे. वयाच्या ७८व्या वर्षी पुण्यातील राहत्या घरी त्यांनी अखेरचा श्वास घेतला.

अनिल अवचट यांच्या निधनानंतर अनेक स्तरावर शोक व्यक केला जात आहे. राष्ट्रवादी काँग्रेसचे अध्यक्ष शरद पवार यांनी ट्विट करत अनिल अवचट यांना श्रद्धांजली वाहिली आहे. त्यांनी ट्विट केले की, ‘ज्येष्ठ साहित्यिक, विचारवंत, पत्रकार डॉ. अनिल अवचट यांच्या निधनाने डोळसपणे सामाजिक क्षेत्रात योगदान देणारे हळवे-सहृदयी व्यक्तिमत्व हरपले. मुक्तांगण व्यसनमुक्ती केंद्राच्या माध्यमातून त्यांनी केलेले भरीव कार्य तळागाळातील अनेकांसाठी नव्या आयुष्याची सुरूवात ठरले. शोकाकुल अवचट कुटुंबियांच्या दु:खात आम्ही सहभागी आहोत. दिवंगत अनिल अवचट यांना भावपूर्ण श्रद्धांजली!’

ज्येष्ठ साहित्यिक, विचारवंत, पत्रकार डॉ. अनिल अवचट यांच्या निधनाने डोळसपणे सामाजिक क्षेत्रात योगदान देणारे हळवे-सहृदयी व्यक्तिमत्व हरपले.
मुक्तांगण व्यसनमुक्ती केंद्राच्या माध्यमातून त्यांनी केलेले भरीव कार्य तळागाळातील अनेकांसाठी नव्या आयुष्याची सुरुवात ठरले. — Sharad Pawar (@PawarSpeaks) January 27, 2022

पुण्याचे महापौर मुरलीधर मोहोळ यांनीही अनिल अवचट यांना श्रद्धांजली वाहिली आहे. त्यांनी ट्विट केले की, सुप्रसिद्ध आणि संवदेनशील लेखक, समाजसेवक डॉ. अनिल अवचट यांचे निधन पुण्याच्या सामाजिक-साहित्यिक विश्वात मोठी पोकळी निर्माण करणारे आहे. आधी पत्रकार, मग लेखक आणि त्यानंतर सामाजिक कार्यकार्यात त्यांनी स्वत:ला झोकून देणे सर्वांसाठीच प्रेरणादायी आहे.

सुप्रसिद्ध आणि संवेदनशील लेखक, समाजसेवक डॉ. अनिल अवचट यांचे निधन पुण्याच्या सामाजिक-साहित्यिक विश्वात मोठी पोकळी निर्माण करणारे आहे. आधी पत्रकार, मग लेखक आणि त्यानंतर सामाजिक कार्यकार्यात त्यांनी स्वतःला झोकून देणे सर्वांसाठीच प्रेरणादायी आहे. pic.twitter.com/SaVy0ASytj — Murlidhar Mohol (@mohol_murlidhar) January 27, 2022

महिला व बालविकास मंत्री यशोमती ठाकूर, राष्ट्रवादीचे नेते अमोल कोल्हे, सुप्रिया सुळे यांनी अनिल अवचट यांना श्रद्धांजली वाहिली आहे.

भावपूर्ण श्रद्धांजली!
ज्येष्ठ साहित्यिक, सामाजिक कार्यकर्ते अनिल अवचट यांचे निधन झाल्याची वेदनादायी बातमी समजली. त्यांचे बालसाहित्यात महत्वपूर्ण योगदान राहिले आहे. त्यांच्या जाण्याने व्यसनमुक्तीसाठी झटणारे एक संवेदनशील व बहुआयामी असे व्यक्तीमत्व काळाच्या पडद्याआड गेले आहे. pic.twitter.com/DpQvUp31wE — Adv. Yashomati Thakur (@AdvYashomatiINC) January 27, 2022

"येणाऱ्या पिढीने मला लेखक, डॉक्टर, सामाजिक कार्यकर्ता नाही तर एक चांगला माणूस म्हणून ओळखावं"
– डॉ.अनिल अवचट pic.twitter.com/yTC3ZxkfXh — Dr.Amol Kolhe (@kolhe_amol) January 27, 2022

ज्येष्ठ सामाजिक कार्यकर्ते, लेखक अनिल अवचट यांचे निधन झाले. मुक्तांगण च्या माध्यमातून व्यसनाच्या गर्तेत अडकलेल्या अनेकांना त्यांनी बाहेर काढले होते. त्यांच्या निधनामुळे एक सामाजिक जाण व भान असणारे व्यक्तिमत्व काळाच्या पडद्याआड गेले. भावपूर्ण श्रद्धांजली. pic.twitter.com/gLfKfAnLXu — Supriya Sule (@supriya_sule) January 27, 2022