Donald Trump Tarrif Update : ट्रम्प यांची माघार ! अमेरिकेने ‘या’ भारतीय उत्पादनांवरील 50 टक्के कर हटवला

अमेरिकेने कॉफी, चहा, मसाले, उष्णकटिबंधीय फळे आणि फळांचे रस यांसारख्या उत्पादनांवरील 50 % परस्पर कर मागे घेतले आहेत. यामुळे भारताच्या अंदाजे 1 अब्ज डॉलर्स  किमतीच्या कृषी निर्यातीला मोठा दिलासा मिळेल. ही सूट 12 नोव्हेंबर रोजी व्हाईट हाऊसच्या कार्यकारी आदेशाद्वारे जारी करण्यात आली आणि 13 नोव्हेंबरपासून ती लागू झाली. अमेरिकेने रशियाकडून तेल खरेदी केल्याबद्दल भारतावर 50% कर लादला होता.

आर्थिक वर्ष 25 मध्ये भारताची अमेरिकेला होणारी कृषी निर्यात 2.5 अब्ज डॉलर्स होती, त्यापैकी 9000 कोटी रुपयांची निर्यात आता करमुक्त झाली आहे. वाणिज्य मंत्रालयाने 17 नोव्हेंबर रोजी याची घोषणा केली. परराष्ट्र व्यापार महासंचालनालयाने (DGFT) म्हटले आहे की यामुळे भारतीय निर्यातदारांना समान संधी मिळेल.

 हेही वाचा – India on Sheikh Hasina Death Sentence: 'बांगलादेशातील शांतता आणि लोकशाहीसाठी…'; शेख हसीना यांच्या मृत्युदंडावर भारताची पहिली प्रतिक्रिया 

अमेरिकेने तेथे कमी प्रमाणात उत्पादित होणाऱ्या उत्पादनांवरील कर उठवले आहेत. वाणिज्य मंत्रालयाच्या मते, 358.66 दशलक्ष डॉलर सुमारे 3,200 कोटी किमतीच्या मसाल्यांच्या निर्याती आता करमुक्त आहेत. त्याचप्रमाणे, 491.31 दशलक्ष डॉलर्स म्हणजे  सुमारे 4,345 रूपये कोटी किमतीच्या 50 प्रक्रिया केलेल्या अन्नपदार्थांच्या आणि 82.54 दशलक्ष डॉलर्स  म्हणजे सुमारे 731 कोटी रूपये किमतीच्या चहा आणि कॉफीच्या निर्यातीला दिलासा मिळाला आहे.

 हेही वाचा – Sheikh Hasina's on Death Sentence: 'माझी बाजू न ऐकताचं….'; फाशीच्या शिक्षेवर शेख हसीना यांची पहिली प्रतिक्रिया

फळे आणि काजू, काही आवश्यक तेले, 26 भाज्या आणि खाद्यतेल मुळे तसेच काही गोमांस आणि गोवंशीय उत्पादनांवर 54.58 दशलक्ष डॉलर्स म्हणजे 484 कोटी  रूपये किमतीची कर सूट देण्यात आली.