डाॅ. दाभोळकर हत्येप्रकरणी आणखी तिघे ताब्यात…

• औरंगाबादमधील तिघांना ताब्यात घेऊन चौकशी सुरु
• एटीएसकडून सचिन अंदुरेच्या मित्रांची आणि नातेवाईकांची चौकशी
• तपासातून पिस्तुल आणि मोटार सायकलचा शोध घेण्यास तपास सुरु
• भाऊ जिथे राहत होता त्या सातारा परिसरात चौकशी

नरेंद्र दाभोलकर माॅर्निंग वाॅकला जात असताना त्यांच्या दिशेने बाईक चालवत शरद कळसकर आला आणि त्याच्या मागे बसलेल्या सचिन अंदुरे याने नरेंद्र दाभोळकरांवर गोळ्या झाडल्या आणि ते दोघे पसार झाले.

त्या कृत्यानंतर त्यांनी ठरल्याप्रमाणे या हत्येत वापरलेली बाईक, पिस्तूल आणि कपडे हे नष्ट करण्यासाठी दिले की यांनीच ते नष्ट केले याचा तपास आता एटीएस आणि सीबीआय करत आहेत. पण महत्वाचे म्हणजे या हत्येकरता बाईक आणि पिस्तूल पुरवले कुणी? याचा तपास देखील सीबीआय करत असून याआधी अटक केलेल्या विरेंद्र तावडे याने त्याची बाईक पनवेलहून पुण्याला नेली होती ती हीच बाईक आहे का ? जी शरद आणि सचिनने वापरली होती.