आयपीएलच्या नियमांचे उल्लंघन केल्याप्रकरणी बीसीसीआयला 52 कोटी रुपयांचा दंड
जय महाराष्ट्र न्यूज, मुंबई
आयपीएलमध्ये नियमांचे उल्लंघन केल्याप्रकरणी भारतीय स्पर्धा आयोगाने बीसीसीआयला 52 कोटी रुपयांचा दंड ठोठावला आहे. भारतीय स्पर्धा आयोग ही भारत सरकारच्या अंतर्गत येणारी संस्था आहे. भारतीय स्पर्धा आयोगाने बुधवारी 44 पानांचा निकाल दिला. यात बीसीसीआयला 52.24 कोटी रुपयांचा दंड ठोठावण्यात आला आहे.
बीसीसीआयच्या गेल्या तीन वर्षांमधील आर्थिक उलाढालीच्या आधारे हा दंड ठोठावण्यात आला आहे. हा दंड तीन वर्षातील टर्नओव्हरच्या 4.48 टक्के इतका आहे. बीसीसीआयने तीन आर्थिक वर्षांमध्ये 2013-14, 2014-15 आणि 2015-16 मध्ये सरासरी कमाई 1164.7 कोटी रुपये होती. आयपीएलने प्रक्षेपण हक्काच्या लिलाव प्रक्रियेत आर्थिक हितसंबंध जपण्याचा प्रयत्न केल्याचा ठपका स्पर्धा आयोगाने ठेवला आहे.
या पार्श्वभूमीवर भारतीय स्पर्धा आयोगाने बीसीसीआयला 60 दिवसांत उत्तर देण्याची सूचना दिली आहे.
जय महाराष्ट्र न्यूजवर ताज्या बातम्या आणि ब्रेकिंग न्यूज वाचा. अधिक माहितीसाठी भारताच्या बातम्या ब्राउझ करा.