Chhatrapati Sambhajinagar Crime: पैशासाठी वाट्टेल ते! आईवडिलांच्या निधनानंतर प्रॉपर्टीसाठी बहिणींनी भावासोबत केलं नको ते कृत्य, वाचा नेमकं काय घडलं?
मालमत्ता मिळवण्यासाठी आजकाल कोणीही कोणत्याही थराला जात आहे. कोणी कोणाचा जीव घेतं तर कोणी कोणाची फसवणूक करतं. छत्रपती संभाजीनगरमध्ये असाच एक धक्कादायक प्रकार घडला आहे. कुटुंबातील मालमत्तेच्या वादातून दोन सख्ख्या बहिणींनी भावाची जवळपास दोन कोटी रुपयांची फसवणूक केल्याचा गंभीर आरोप समोर आला आहे.
समोर आलेल्या माहितीनुसार, आजारी आईला विश्वासात घेऊन मृत्यूपत्रात फेरफार करणे आणि बँकेतील शेअर्ससह प्लॉट हडपल्याचा हा धक्कादायक प्रकार आता पोलीस ठाण्यापर्यंत पोहोचला आहे.सुनीता दिलीप लाहोटी रा. कोलकाता, पश्चिम बंगाल आणि शोभना शरद टवानी रा. जयपूर, राजस्थान या दोन बहिणींची नावे आहेत. या प्रकरणी गुन्हा दाखल करण्यात आला असून सातारा पोलीस आता अधिक तपास करत आहेत.
मृत्युपत्रात फेरफार करणे, बँक आणि डी-मॅट खात्यांवरील नॉमिनी बदलणे तसेच प्लॉट विक्री करून रक्कम स्वतःकडे वळवणे असा प्रकार घडल्याची तक्रार सातारा पोलिस ठाण्यात दाखल करण्यात आली आहे. एकूण व्यवहाराची रक्कम सुमारे 1 कोटी 95 लाख रुपयांहून अधिक असल्याचा दावा करण्यात आला असून, या संपूर्ण प्रकरणाचा तपास सातारा पोलिस करत आहेत.
जय महाराष्ट्र न्यूजवर ताज्या बातम्या आणि ब्रेकिंग न्यूज वाचा. अधिक माहितीसाठी भारताच्या बातम्या ब्राउझ करा.