विंडिज विरुद्ध होणाऱ्या टी-20 मालिकेत बदल

मुंबई : वेस्ट इंडिज टीम 6 डिसेंबरपासून भारत दौऱ्यावर येत आहे. या दौऱ्याच्या सुरुवातीआधीच सुरक्षिततेच्या कारणामुळे टी-20 मालिकेतील सामन्यातील ठिकाणात बदल करण्यात आला आहे. मुंबईत 6 डिसेंबरला होणारा टी-20 सामना हैदराबाद येथे खेळण्यात येणार आहे. तर 11 डिसेंबरला हैदराबादला होणारा तिसरा टी-20 सामना मुंबईत खेळवला जाणार आहे.

म्हणून करण्यात आला बदल

मुंबईत 6 डिसेंबरच्या मध्यरात्रीपासून चैत्यभूमीवर बाबासाहेबांना वंदन करण्यासाठी अनुयायी येतात. यामुळे मुंबईत कडेकोट बंदोबस्त असतो.

मुंबईत विडींज विरुद्ध 6 डिसेंबरला पहिला टी-20 सामना नियोजित होता. पण पोलिसांनी सुरक्षिततेच्या कारणामुळे संरक्षण देण्यास असमर्थता दर्शवली. यामुळे 6 डिसेंबरला मुंबईतील नियोजीत सामना हैदराबाद येथे खेळवण्यात येणार आहे. तर 11 डिसेंबरला हैदराबादला होणारा तिसरा टी-20 सामना मुंबईतील वानखेडे स्टेडिअमवर खेळला जाणार आहे.

सुधारित टी- 20 वेळापत्रक

पहिली टी-20 – 6 डिसेंबर 2019, हैदराबाद

दुसरी टी-20 – 8 डिसेंबर 2019, तिरुअनंतपुरम

तिसरी टी-20 – 11 डिसेंबर 2019, वानखेडे स्टेडिअम, मुंबई