Chandrayaan-3 Mission: चांद्रयान-3 मोहिमेमुळे उलगडले चंद्राचे खोलवरचे रहस्य! अनेक भागांवर असू शकतो बर्फ

Chandrayaan-3 Mission: चांद्रयान-3 मोहिमेच्या मदतीने शास्त्रज्ञांना चंद्राबद्दल महत्त्वाची माहिती मिळणार आहे. चांद्रयान मोहिमेने गोळा केलेल्या माहितीच्या अभ्यासातून असे दिसून आले आहे की चंद्रावर अशी अनेक ठिकाणे असू शकतात जिथे बर्फ असू शकतो. ही ठिकाणे त्याच्या पृष्ठभागाखाली सांगितली जात आहेत. शास्त्रज्ञांचा असा विश्वास आहे की चंद्रावर पूर्वीच्या अंदाजापेक्षा अनेक ठिकाणी बर्फ आढळू शकतो.

चंद्राच्या पृष्ठभागावर बर्फ कसा जमा झाला? 

चांद्रयान-3 मोहिमेच्या डेटाचा अभ्यास केल्यानंतर, शास्त्रज्ञांचं म्हणण आहे की, चंद्राच्या पृष्ठभागावरील तापमानात थोडासा बदल देखील बर्फ निर्मितीच्या प्रक्रियेवर परिणाम करू शकतो. अहमदाबाद येथील भौतिक संशोधन प्रयोगशाळेतील प्राध्यापक आणि अभ्यासाचे प्रमुख लेखक दुर्गा प्रसाद करनम यांच्या मते, हे बर्फाचे कण इतिहासाबद्दल वेगवेगळ्या कथा सांगतात. यावरून चंद्राच्या पृष्ठभागावर बर्फ कसा जमा झाला आणि कालांतराने या बर्फाने त्याचे स्थान कसे बदलले हे स्पष्ट होऊ शकते. 

हेही वाचा – Elon Musk यांना मोठा धक्का! Starship Rocket मध्ये प्रक्षेपणानंतर स्फोट; आकाशातून पडू लागले आगीचे गोळे, पहा व्हिडिओ

चंद्राच्या पृष्ठभागाच्या 10 सेंटीमीटर खोलीवर मोजलेल्या तापमानाचे विश्लेषण – 

दरम्यान, या कणांचा अभ्यास करून, आपण पृथ्वीच्या या नैसर्गिक उपग्रहावर सुरुवातीच्या भूगर्भीय प्रक्रिया कशा असतील हे शोधू शकतो, असं शास्त्रज्ञांचं मत आहे. हा अभ्यास कम्युनिकेशन्स अर्थ अँड एन्व्हायर्नमेंट जर्नलमध्ये प्रकाशित झाला आहे. या अभ्यासासाठी, संशोधकांनी चंद्राच्या पृष्ठभागावर आणि त्याच्या खाली 10 सेंटीमीटर खोलीवर मोजलेल्या तापमानाचे विश्लेषण केले. चांद्रयान-3 च्या विक्रम लँडरवर बसवलेल्या ChaSTE द्वारे मोजमाप घेण्यात आले. लँडर चंद्राच्या दक्षिण ध्रुवाच्या काठावर सुमारे 69 अंश दक्षिण अक्षांशावर उतरले. या लँडिंग साइटचा उतार सूर्याकडे सहा अंशांच्या कोनात आहे.

हेही वाचा –Flying Car Video: OMG!! हवेत उडणारी कार आली! रस्त्यावर धावणार आणि आकाशातही उडणार; काय आहे किंमत? जाणून घ्या

चंद्राच्या पृष्ठभागासंदर्भात अनेक खुलासे – 

दरम्यान, संशोधकांना असे आढळून आले की, येथे दिवसा तापमान सुमारे 82°C पर्यंत पोहोचले आणि रात्री -170°C पर्यंत घसरले. या तापमानातील फरकांच्या आधारे, चमूने उच्च चंद्र अक्षांशांवर उताराचा कोन पृष्ठभागाच्या तापमानावर कसा परिणाम करू शकतो याचे एक मॉडेल विकसित केले. म्हणजेच, पृष्ठभाग ज्या कोनात सूर्याच्या संपर्कात येतो त्याचा पृष्ठभागाच्या तापमानावर मोठा परिणाम होतो.