‘चांद्रयान – ३’चा महत्त्वाचा टप्पा पार

मुंबई , १७ ऑगस्ट २०२३, प्रतिनिधी :  इस्रोने १७ ऑगस्ट रोजी चांद्रयान-३ चे प्रोपल्शन मॉड्यूल लँडर आणि रोव्हरपासून वेगळे केले. आता प्रोपल्शन मॉड्यूल ३ ते ६ महिने चंद्राच्या कक्षेत राहून पृथ्वीवरून येणाऱ्या रेडिएशनचा अभ्यास करेल, तर लँडर-रोव्हर २३ ऑगस्ट रोजी संध्याकाळी ५:४७ वाजता चंद्राच्या पृष्ठभागावर उतरेल. येथे ते १४ दिवस पाण्याच्या शोधासह इतर प्रयोग करणार आहे.

यापूर्वी, चांद्रयान अशा वर्तुळाकार कक्षेत फिरत होते ज्यामध्ये त्याचे चंद्रापासून किमान अंतर १५३ किमी आणि कमाल अंतर १६३ किमी होते. १६ ऑगस्ट रोजी सकाळी ०८:३० च्या सुमारास इस्रोच्या शास्त्रज्ञांनी यानाचे थ्रस्टर काही काळासाठी सुरू करण्यात आले होते. यानंतर चांद्रयान १५३ किमी X १६३ किमीच्या जवळपास वर्तुळाकार कक्षेत आले होते.

Chandrayaan-3 Mission: ‘Thanks for the ride, mate! 👋’
said the Lander Module (LM). LM is successfully separated from the Propulsion Module (PM) LM is set to descend to a slightly lower orbit upon a deboosting planned for tomorrow around 1600 Hrs., IST. Now, 🇮🇳 has3⃣ 🛰️🛰️🛰️… pic.twitter.com/rJKkPSr6Ct — ISRO (@isro) August 17, 2023

२२ दिवसांच्या प्रवासानंतर चांद्रयान ५ ऑगस्ट रोजी संध्याकाळी ७.१५ च्या सुमारास चंद्राच्या कक्षेत पोहोचले. यानंतर यान चंद्राच्या गुरुत्वाकर्षणात यावे, म्हणून त्याचा वेग कमी करण्यात आला. वेग कमी करण्यासाठी इस्रोच्या शास्त्रज्ञांनी वाहनाला वळवले आणि १८३५ सेकंद म्हणजे सुमारे अर्धा तास थ्रस्टर उडवले. हा इंजिन सायंकाळी ७.१२ वाजता सुरू झाले. चांद्रयानाने चंद्राची छायाचित्रे घेतली चांद्रयान पहिल्यांदा चंद्राच्या कक्षेत दाखल झाले तेव्हा त्याची कक्षा १६४ किमी x १८,०७४ किमी होती. कक्षेत प्रवेश करताना त्याच्या ऑनबोर्ड कॅमेऱ्यांनी चंद्राची छायाचित्रेही टिपली. इस्रोने त्याचा व्हिडिओ बनवून आपल्या वेबसाईटवर शेअर केला आहे. या चित्रांमध्ये चंद्राचे खड्डे स्पष्टपणे दिसत आहेत.