संभाव्य मंत्रिपदावरुन भाजपच्या 2 आमदारांमध्ये फ्लेक्सयुद्ध

जय महाराष्ट्र न्यूज, पिंपरी-चिंचवड

पिंपरी चिंचवडमध्ये भाजपच्याच दोन आमदारांमध्ये फ्लेक्सयुद्ध रंगलं आहे. चक्क संभाव्य मंत्रिपदावरुन आमदार लक्ष्मण जगताप आणि महेश लांडगे यांच्यामध्ये हे फ्लेक्सयुद्ध रंगलं आहे.

पिंपरी-चिंचवड महापालिकेची सत्ता भाजपकडे खेचून आणण्यात आमदार लक्ष्मण जगताप आणि आमदार महेश लांडगे या जोडीनं जबरदस्त राजकीय ‘फिल्डिंग’ लावली.

एकदिलानं केलेल्या प्रयत्नांमुळं निवडणुकीत त्यांना यशही मिळालं. त्यावेळी जो जास्त नगरसेवक निवडून आणेल त्याला मंत्रीपदाचं आश्वासन देण्यात आलं होतं.

त्यातच मे महिन्यात राज्य मंत्रिमंडळ विस्तार होणार अशी चर्चा आहे. याचपार्श्वभूमीवर या दोन्ही आमदारांमध्ये चांगलंच फ्लेक्सयुद्ध रंगलं आहे.