Mythos आणि Fable AI वर बंदी; Anthropic ची मोठी अपडेट समोर

अमेरिकन AI कंपनी Anthropic ने त्यांच्या अत्याधुनिक AI मॉडेल्स Mythos 5 आणि  Fable 5 यांचा जागतिक प्रवेश तातडीने बंद केला आहे. हा निर्णय अमेरिकेच्या सरकारच्या आदेशानंतर घेण्यात आला आहे.सरकारी निर्देशानुसार या AI मॉडेल्सना राष्ट्रीय सुरक्षेचा धोका मानून परदेशी नागरिकांना प्रवेश बंद करण्याचे आदेश देण्यात आले होते. त्यामुळे Anthropic ला संपूर्ण जगभरातील सर्व युजर्ससाठी हे मॉडेल्स बंद करावे लागले.

काय आहे प्रकरण?

अहवालानुसार, सरकारला अशी चिंता होती की Mythos आणि Fable सारखी प्रगत AI मॉडेल्स  jailbreak  करून चुकीच्या कामांसाठी वापरली जाऊ शकतात, विशेषतः सायबर हल्ले किंवा सुरक्षा प्रणालीतील त्रुटी शोधण्यासाठी.

कंपनीने मात्र सांगितले की हे धोके मर्यादित असून इतर AI मॉडेल्समध्येही अशाच प्रकारच्या कमकुवतता आढळतात. तरीही सरकारी आदेशाचे पालन करत प्रवेश बंद करण्यात आला.

जगभर परिणाम
Mythos आणि Fable मॉडेल्सचा जागतिक वापर थांबला
संशोधन आणि व्यावसायिक प्रोजेक्ट्सवर परिणाम
AI इंडस्ट्रीमध्ये मोठी चर्चा सुरू
इतर AI कंपन्यांवरही नियामक दबाव वाढण्याची शक्यता

कंपनीने स्पष्ट केले आहे की इतर कमी क्षमतेचे AI मॉडेल्स मात्र पूर्वीप्रमाणे सुरू राहतील.