Chhatrapati Sambhajinagar : एसआयआर प्रक्रियेचा ताण असह्य! भर बैठकीत शिक्षकाला रडू कोसळलं; Video Viral
छत्रपती संभाजीनगरमध्ये एसआयआर प्रक्रियेमुळे शिक्षकांवर अतिरिक्त कामाचा मोठा ताण पडत असल्याची चिंता व्यक्त करण्यात आली आहे. नियमित अध्यापनासोबत एसआयआर प्रक्रियेतील अतिरिक्त जबाबदाऱ्यांमुळे शिक्षकांवर प्रचंड मानसिक व शारीरिक ताण निर्माण झाल्याचा आरोप करण्यात आला आहे. त्यामुळे एसआयआर प्रक्रियेसाठी स्वतंत्र कर्मचारी नियुक्त करावेत, अशी शासनाकडे मागणी करण्यात आली आहे.
मिळालेल्या माहितीनुसार, नियमित शालेय कामकाजासोबत घराघरांत पडताळणी, नागरिकांशी समन्वय, सकाळ-संध्याकाळ अहवाल सादर करणे आणि इतर प्रशासकीय कामांमुळे शिक्षक मानसिक व शारीरिक तणावाखाली असल्याचे सांगण्यात आले. या तणावामुळे काही ठिकाणी बीएलओ, सुपरवायझर आणि नागरिकांमध्ये वादाचे प्रकारही घडत असल्याचा दावा करण्यात आला आहे. एसआयआर प्रक्रियेसाठी स्वतंत्र पूर्णवेळ कर्मचारी किंवा पर्यायी यंत्रणा उपलब्ध करून शिक्षकांवरील अतिरिक्त भार कमी करावा, अशी मागणी शासन आणि संबंधित प्रशासनाकडे करण्यात आली आहे.
जय महाराष्ट्र न्यूजवर ताज्या बातम्या आणि ब्रेकिंग न्यूज वाचा. अधिक माहितीसाठी भारताच्या बातम्या ब्राउझ करा.