26/11 दहशतवादी हल्ल्यावर अमेरिकेची मोठी घोषणा
मुंबईवरील 26/11 दहशतवादी हल्ल्याला आज(सोमवारी)10 वर्ष पूर्ण होत आहेत. या पार्श्वभूमीवर अअमेरिकेचे परराष्ट्र मंत्री माईक पोम्पियो यांनी एक मोठी घोषणा केली आहे. याबाबत त्यांनी ट्वीट केले आहे.
’26/11 च्या हल्ल्याचा कट रचणाऱ्या हाफिज सईद आणि झकी उर रहमान लख्वी यांना पकडण्यास मदत करणाऱ्याला 35 कोटींचं बक्षिस देण्यात येईल ,’ असे ANI च्या ट्वीटमध्ये म्हटले आहे.
‘लष्कर ए तोयबा’ या दहशतवादी संघटनेच्या 10 दहशतवाद्यांनी मुंबईतील 10 ठिकाणी हल्ला केला. यामध्ये 166 निष्पाप लोकांनी आपला जीव गमावला. या दहशतवाद्यांच्या मास्टरमाईंडविषयी कोणत्याही प्रकारची माहिती देणाऱ्यास या बक्षिसाची घोषणा अमेरिकेकडून करण्यात आली आहे.
जय महाराष्ट्र न्यूजवर ताज्या बातम्या आणि ब्रेकिंग न्यूज वाचा. अधिक माहितीसाठी भारताच्या बातम्या ब्राउझ करा.