नाशिक पोलिसांचा आणखी एक दणका
भोंग्यावर हनुमान चालिसा लावायची असो किंवा अजान, पोलिसांची परवानगी आवश्यक असल्याचं नाशिक पोलीस आयुक्त दीपक पांडे यांनी सांगितले होतं. ३ मेपर्यंत या परवानग्या आवश्यक असून ३ मे नंतर थेट पोलीस कारवाई होऊन भोंगे उतरवण्यात येतील, असा इशाराही पांडे यांनी दिला होता. ‘मुस्लिम धर्मियांना भोंग्यांची परवानगी घ्यावी लागणार’,तर ‘भोंग्यावर हनुमान चालीसा लावायचे असेल तरीही परवानगी आवश्यक असल्याचे दीपक पांडे यांनी सांगितले होते. याप्रकरणी, आज नाशिकच्या पोलीस आयुक्तांनी आणखी एक दणका दिला आहे. नाशिकमध्ये मशिदीवरील भोंग्याचा आवाज मोजण्यास सुरवात केली असून भोंग्याच्या आवाजाची डेसिबिलीटी तपासली जात आहे.
नाशिकमध्ये सर्व धार्मिक स्थळांना भोंगे लावण्यासाठी आता परवानगी घ्यावी लागणार आहे. परवानगी न घेतल्या गेलेल्या अनधिकृत भोंग्यांवर कारवाई केली जाणार असल्याचे आदेश नाशिकचे पोलीस आयुक्त दीपक पांडे यांनी दिले आहेत. ३ मेपर्यंत सर्व धार्मिक स्थळांना भोंग्यासाठी परवानगी घ्यावी लागणार आहे. आणि यात भरीस भर म्हणून नाशिकच्या पोलीस उपायुक्तांनी भोंग्याच्या आवाजाची डेसिबिलीटी तपासण्यास सुरुवात केली आहे.
काय आहे भोंगा प्रकरण ?
मनसेच्या गुढीपाडवा मेळाव्यात राज ठाकरे यांनी हिंदुत्ववादाची आक्रमक भूमिका घेतली होती. मशिदींवरील भोंगे बंद झाले नाही तर मशिदींसमोर लाऊडस्पीकर लावून हनुमान चालिसा लावणार असे वादग्रस्त वक्तव्य केल्यामुळे भोंगा प्रकरण चांगलेच तापले आहे. त्यामुळे याप्रकरणी राजकीय वर्तुळात तसेच विविध सामाजिक प्रतिक्रिया उमटल्या आहेत.
जय महाराष्ट्र न्यूजवर ताज्या बातम्या आणि ब्रेकिंग न्यूज वाचा. अधिक माहितीसाठी भारताच्या बातम्या ब्राउझ करा.