Indian Stock Market: भारतीय शेअर बाजारात तेजीची लाट, निफ्टी-सेंसेक्स वाढले; बिहार एक्झिट पोल्स आणि व्यापार चर्चांचा परिणाम

मुंबई: भारतीय शेअर बाजार बुधवारी उच्च अंकांवर उघडला, याचं कारण भारत-अमेरिका व्यापार चर्चेत (India-US Trade Talks) झालेल्या प्रगतीसह अमेरिकेतील Government Shutdown लवकर संपणार असल्याच्या अपेक्षांमुळे गुंतवणूकदारांचा आत्मविश्वास वाढला आहे.

विश्लेषकांच्या म्हणण्यानुसार, बिहारमधील Exit Polls मध्ये सत्ताधारी आघाडीचा विजय सूचित झाल्यानेही बाजारातील सकारात्मक भावना अधिक दृढ झाल्या आहेत. निफ्टी 50 (Nifty 50) निर्देशांक बुधवारी सकाळी 9:25 वाजेपर्यंत 0.57 टक्क्यांनी वाढून 25,840.10 वर पोहोचला, तर बीएसई सेन्सेक्स (BSE Sensex) 0.60 टक्क्यांनी वाढून 84,368.85 वर गेला. मंगळवारीही दोन्ही प्रमुख निर्देशांकांमध्ये सुमारे 0.5 टक्क्यांची वाढ झाली होती. ही तेजी India-US Trade Deal बाबतच्या आशावादामुळे आणि अमेरिकेच्या Congress कडून Federal Shutdown संपुष्टात आणण्याच्या तयारीमुळे झाली.

मेहता इक्विटीज (Mehta Equities) चे संशोधन विभागाचे वरिष्ठ उपाध्यक्ष प्रशांत तापसे (Prashanth Tapse) म्हणाले, “सध्या बाजारात बुल्सचे वर्चस्व आहे. बिहारच्या एक्झिट पोल्सनी सत्ताधारी National Democratic Alliance (NDA) च्या विजयाचा अंदाज दिला असून, त्यासोबत US-India Trade Deal बाबतचा आत्मविश्वास आणि US Government Shutdown संपण्याच्या अपेक्षांमुळे बाजारात उत्साहाचे वातावरण आहे.”

हेही वाचा: Cyber Crime In Akola : 'पाणी बिल भरा, अन्यथा पाईपलाईन तोडू'; असे सांगत सायबर गुन्हेगारांची बँकेतून लाखो रुपयांची लुट

एकूण 16 प्रमुख क्षेत्रांपैकी 15 क्षेत्रांमध्ये वाढ झाली आहे. स्मॉल-कॅप (Small Cap) आणि मिड-कॅप (Mid Cap) निर्देशांकांनीही सुमारे 0.6 टक्क्यांची वाढ नोंदवली आहे. दरम्यान, आंतरराष्ट्रीय बाजारात डॉलरच्या तुलनेत भारतीय रुपया (INR) 87.89 प्रति डॉलर या पातळीवर स्थिर आहे.

भारतीय शेअर बाजाराने गेल्या काही दिवसांत स्थिरतेनंतर पुन्हा एकदा तेजी पकडली आहे. तज्ज्ञांच्या मते, जागतिक बाजारातील सकारात्मक संकेत, अमेरिकेतील राजकीय स्थैर्य आणि भारत-अमेरिका व्यापार चर्चांमधील प्रगती हे घटक पुढील काही सत्रांतही बाजाराला आधार देऊ शकतात. बिहार निवडणुकीच्या निकालांवर बाजाराची प्रतिक्रिया आणखी दिशादर्शक ठरेल, तर गुंतवणूकदारांनी अल्पकालीन नफ्यापेक्षा दीर्घकालीन गुंतवणुकीवर भर द्यावा, असा सल्ला विश्लेषकांनी दिला आहे.

Disclaimer :  शेअर बाजारातील गुंतवणूक जोखमीची आहे. नियम व अटी काळजीपूर्वक वाचा. जय महाराष्ट्र न्यूज कोणत्याही नफ्या-तोट्यास जबाबदार नाही. गुंतवणुकीपूर्वी तज्ज्ञांचा सल्ला घ्या!

हेही वाचा: National Water Award : राज्याच्या जल व्यवस्थापन प्रयत्नांना केंद्राची दाद!; देशात जल व्यवस्थापनात महाराष्ट्र अव्वल