Mahakumbh Picture Clicked By Sunita Williams: सुनीता विल्यम्स अवकाशातून पाहत होत्या महाकुंभ; अंतराळातून काढले प्रयागराज कुंभमेळ्याचे फोटोज

Mahakumbh Picture Clicked By Sunita Williams: सुनीता विल्यम्स आणि त्यांचे सहकारी बुच विल्मोर नऊ महिन्यांहून अधिक काळ अंतराळ स्थानकात घालवल्यानंतर सुरक्षितपणे पृथ्वीवर परतले आहेत. सुनीता विल्यम्सच्या सुरक्षित परतीबद्दल जगभरात, विशेषतः भारतात आनंदाची लाट पसरली. गुजरातमधील त्याच्या वडिलांचे वडिलोपार्जित गाव झुलासनमध्ये आनंदाचे वातावरण आहे. एलोन मस्क यांच्या कंपनी स्पेसएक्सचे ड्रॅगन कॅप्सूल फ्लोरिडाच्या किनाऱ्यावर सुरक्षितपणे उतरल्यानंतर सर्वांनी सुटकेचा नि:श्वास सोडला. 

दरम्यान, सुनीता विल्यम्सची वहिनी फाल्गुनी पंड्या यांनी म्हटलं आहे की, सुनीता यांनी अंतराळ स्थानकावरून प्रयागराज महाकुंभाचे फोटो पाठवले होते. मी त्यांना विचारले की, कुंभ अंतराळातून दिसतो का? त्यानंतर त्यांनी मला अंतराळातून प्रयागराज महाकुंभाच्या प्रतिमा पाठवल्या होत्या. महाकुंभाच्या अधिकृत एक्स अकाऊंटवरून सुनीता विल्सम्स यांनी काढलेली काही फोटोज शेअर करण्यात आलेले आहेत. या पोस्टमध्ये लिहिले आहे – ‘वसुधैव कुटुंबकमची पवित्र भावना पुन्हा एकदा प्रत्यक्षात आली आहे, महाकुंभाचे फोटो आणल्याबद्दल सुनीता विल्यम्सचे अभिनंदन.’ जेव्हा संपूर्ण जग सुनीताला पाहण्यासाठी आतुर होते, तेव्हा सुनीता विल्यम्स आयएसएसवरून प्रयागराजच्या भूमीवर होत असलेला महाकुंभ पाहत होत्या. आणि त्या महाकुंभाचे फोटो काढत होत्या. 

हेही वाचा – कोणत्या अंतराळविराने अंतराळात आतापर्यंत सर्वाधिक दिवस घालवले? सुनीता विल्यम्स कितव्या स्थानावर आहेत? जाणून घ्या

सुनीता विल्यम्स लवकरचं भारतात येण्याची शक्यता – 

दरम्यान, एनडीटीव्ही वृत्तवाहिनीशी बोलताना सुनीता विल्यम्स यांची वहिणी फाल्गुनी पंड्या यांनी सांगितले की, सुनीता विल्यम्स लवकरच भारताला भेट देऊ शकतात. अद्याप कोणतीही तारीख निश्चित झालेली नाही. मला आशा आहे की, सुनीता या वर्षी गुजरातमधील त्यांच्या वडिलोपार्जित गावाला भेट देतील. 

तथापि, नऊ महिन्यांच्या दीर्घ मोहिमेनंतर सुनीता विल्यम्स पृथ्वीवर परतल्याने जगभरात आनंदाचे वातावरण आहे. त्याच्या सुरक्षित परतीबद्दल संपूर्ण देश आनंदी आहे. दरम्यान, गुजरातमधील सुनीता विल्यम्सच्या झुलासन गावात आनंदाचे वातावरण आहे. सुनीता यांचे चुलत भाऊ नवीन बाबूलाल यांनी सांगितले की, सुनीता विल्यम्स 2007 मध्ये पहिल्यांदाच त्यांच्या वडिलोपार्जित गावी आल्या होत्या. त्यादरम्यान, त्यांचे जोरदार स्वागत करण्यात आले होते. 

हेही वाचा – सुनीता विल्यम्स, बुच विल्मोर 45 दिवस रिहॅबिलिटेशनमधून जाणार; उभं राहणं, चालण्यासाठी पुन्हा करावी लागणार प्रॅक्टीस!

अंतराळात सुनीता विल्यम्स यांनी नेली भगवद्गीता आणि गणेशाची मूर्ती – 

सुनीता विल्यम्स यांनी त्यांच्या अंतराळ मोहिमेत भगवद्गीतेची प्रत आणि भगवान गणेशाची एक छोटी मूर्ती सोबत नेली होती. त्यांचा असा विश्वास आहे की, भगवान गणेश हे तिच्यासाठी सौभाग्याचे प्रतीक आहेत आणि गीतेतील श्लोक त्यांना शांती आणि प्रेरणा देतात.