एकदाच प्रीमियम भरा अन्…आयुष्यभर पेन्शन मिळवा! LIC ने सुरू केली नवीन Smart Pension योजना

LIC New Smart Pension Plan Scheme: देशातील सर्वात मोठी विमा कंपनी, भारतीय जीवन विमा महामंडळ (LIC) ने त्यांच्या ग्राहकांसाठी एक नवीन स्मार्ट पेन्शन योजना लाँच केली आहे. ही एकल प्रीमियम, तात्काळ वार्षिकी योजना आहे, जी वैयक्तिक आणि संयुक्त जीवन वार्षिकी पर्याय देते. अर्थ मंत्रालयाचे सचिव श्री एम. नागराजू आणि इतर मान्यवरांच्या उपस्थितीत ही योजना सुरू करण्यात आली.

हेही वाचा – Home Insurance: भूकंपासारख्या आपत्तीत तुमच्या घराचे नुकसान झाल्यास गृह विमा देईल भरपाई; फायदे आणि महत्त्व घ्या जाणून

स्मार्ट पेन्शन योजनेची वैशिष्ट्ये कोणती?

तात्काळ पेन्शन: एकाच प्रीमियमसह त्वरित वार्षिकी सुरू करण्याचा पर्याय.
विविध पर्याय: वेगवेगळ्या गरजा पूर्ण करण्यासाठी अनेक वार्षिकी पर्याय उपलब्ध.
वयोमर्यादा: किमान प्रवेश वय 18 वर्षे आणि कमाल 100 वर्षांपर्यंत आहे 
वैयक्तिकृत पर्याय: सिंगल लाइफ आणि जॉइंट लाइफ अॅन्युइटी दरम्यान निवड.
जुन्या पॉलिसीधारकांसाठी फायदे: विद्यमान पॉलिसीधारक आणि त्यांच्या नामांकित व्यक्तींना अतिरिक्त वार्षिकी दर.
तरलता सुविधा: आंशिक किंवा पूर्ण पैसे काढण्याचे पर्याय उपलब्ध आहेत.
डिजिटल खरेदी: ही योजना www.licindia.in वर ऑनलाइन उपलब्ध आहे.

हेही वाचा – पंतप्रधान आवास योजनेचा लाभ कोणाला मिळत नाही? जाणून घ्या महत्त्वाच्या अटी!

स्मार्ट पेन्शन योजनेचे फायदे – 

• किमान गुंतवणूक 1 लाख जास्त गुंतवणुकीवर अतिरिक्त प्रोत्साहन.
• एनपीएस ग्राहकांसाठी विशेष वार्षिकी सुविधा.
• अपंग व्यक्तींसाठी (PwD) सहाय्यक पर्याय उपलब्ध आहेत.
• वार्षिकी पेमेंटसाठी मासिक, त्रैमासिक, सहामाही आणि वार्षिक पर्याय.
• पॉलिसी कर्ज सुविधा 

नामांकित व्यक्तीसाठी पेमेंट पर्याय – 

• लम्पसम
• हप्त्यांमध्ये पेमेंट
• अॅडव्हान्स्ड अॅन्युइटी किंवा अॅन्युइटी संचय पर्याय

तुम्ही ही योजना ऑनलाइन (www.licindia.in) आणि LIC एजंट, POSP-LI आणि सार्वजनिक सेवा केंद्रे (CPSC-SPV) द्वारे ऑफलाइन खरेदी करू शकता.