Gold Silver Rate Today: डॉलर मजबूत झाला अन् सोन्यावर दबाव वाढला; तुमच्या शहरातील सोने-चांदीचे आजचे दर तपासा

नवी दिल्ली: सोने आणि चांदीच्या किमतींमध्ये बुधवारी किरकोळ वाढ पाहायला मिळाली. अमेरिका आणि इराण यांच्यात दुसऱ्या टप्प्यातील चर्चा होण्याची शक्यता वाढल्याने बाजारात काहीसा दिलासा मिळाला आहे. त्याचा परिणाम शेअर बाजारासोबतच मौल्यवान धातूंच्या दरांवरही दिसून आला. देशांतर्गत कमोडिटी बाजारात एमसीएक्सवर जून डिलिव्हरीचे सोने सुमारे 1,54,900 रुपये प्रति 10 ग्रॅमवर व्यवहार करत होते, तर चांदीचा दर 2,54,000 रुपये प्रति किलोच्या आसपास होता. 

आंतरराष्ट्रीय बाजारात कॉमेक्सवर सोन्याने 4,895 डॉलर प्रति औंसचा उच्चांक गाठल्यानंतर किंचित घसरण झाली. अमेरिकन डॉलरमध्ये झालेल्या मजबुतीमुळे सोन्याच्या दरांवर काही प्रमाणात दबाव दिसून आला. डॉलर मजबूत झाल्यास इतर चलनधारकांसाठी सोने आणि चांदी खरेदी करणे अधिक महाग होते. 

देशातील प्रमुख शहरांमध्ये सोन्या-चांदीच्या दरांमध्ये मिश्र चित्र दिसून आले. चेन्नईमध्ये 24 कॅरेट सोन्याचा दर सर्वाधिक असून तो 1,55,210 रुपये प्रति 10 ग्रॅमवर पोहोचला आहे. 22 कॅरेट सोन्याचा दर 1,42,276 रुपये होता. चांदीचाही सर्वाधिक दर चेन्नईमध्येच 2,54,820 रुपये प्रति किलो इतका नोंदवला गेला. 

हेही वाचा: Amarnath Yatra 2026: अमरनाथ यात्रेला जायचंय? मग 'हे' आरोग्य प्रमाणपत्र आहे अनिवार्य; जाणून घ्या नोंदणीची संपूर्ण प्रक्रिया आणि नियम

मुंबईमध्ये 24 कॅरेट सोन्याचा दर 1,54,690 रुपये प्रति 10 ग्रॅम, 22 कॅरेट सोन्याचा दर 1,41,799 रुपये आणि चांदीचा दर 2,53,920 रुपये प्रति किलो होता. दिल्लीमध्ये 24 कॅरेट सोने 1,54,420 रुपये, 22 कॅरेट सोने 1,41,552 रुपये आणि चांदी 2,53,480 रुपये प्रति किलो दराने विकली जात होती. कोलकात्यामध्ये 24 कॅरेट सोन्याचा दर 1,54,550 रुपये होता, तर चांदी 2,53,740 रुपये प्रति किलोवर होती. 

हैदराबाद, बंगळूर आणि अहमदाबादमध्येही सोन्याचे दर 1.54 लाख ते 1.55 लाख रुपयांच्या दरम्यान राहिले. स्थानिक कर, वाहतूक खर्च आणि बाजारातील मागणी यामुळे शहरानुसार दरांमध्ये किरकोळ फरक दिसून येतो. मात्र एकूणच पाहता, देशभरात सोने आणि चांदीचे दर अजूनही उच्च पातळीवर टिकून आहेत.  

हेही वाचा: Jag Vikram: इराण-अमेरिका संघर्षाच्या विळख्यातून 'जग विक्रम'ची सुटका; 20 हजार टन LPG घेऊन भारतीय जहाज कांडला बंदरात दाखल