लेखक शेखर कपूर यांचा संगीतकार डेव्ह स्टीवर्टसोबतचा फोटो व्हायरल

मुंबई, २१ एप्रिल २०२४, प्रतिनिधी : चित्रपट निर्माते शेखर कपूर यांनी त्यांच्या सोशल मीडियावर पुरस्कार विजेते संगीतकार डेव्ह स्टीवर्ट सोबतचा एक फोटो शेअर केला आहे. आता हे दोघे एकत्र काम करणार का ? हे बघण उत्कंठावर्धक ठरणार आहे. या फोटोत शेखर कपूर आणि स्टीवर्ट सोबत गप्पा मारताना दिसत आहेत. स्टीवर्ट हा अतिशय लोकप्रिय पॉप बँड युरिथमिक्सचा भाग आहे. त्याने त्याच्या सोशल मीडियावर ” ऑन जर्नी विथ शेखर कपूर ” अस कॅप्शन देऊन फोटो शेअर केला आहे. या कॅप्शनमुळे शेखर कपूर आणि गायक स्टीवर्ट हे लवकरच एकत्र काम करणार असल्याच्या चर्चांना उधाण आले आहे.