‘आदित्य एल-१चं’ काउंटडाऊन सुरू

श्रीहरिकोटा, १ सप्टेंबर २०२३, प्रतिनिधी : भारताची पहिली सौरमोहीम आदित्य L1 ची उलटी मोजणी सुरू आहे. भारतीय अंतराळ संशोधन संस्थेने शुक्रवारी यासंदर्भात माहिती दिली. या मोहिमेपूर्वी इसरोच्या शास्त्रज्ञांचे एक पथक आदित्य-L1 मिशनच्या मिनी मॉडेलसह तिरुमला येथील वेंकटेश्वर मंदिरात प्रार्थना करण्यासाठी गेले होते.

भारताची पहिली सौर मोहीम आदित्य – L1 शनिवार २ सप्टेंबर रोजी सकाळी ११.५० वाजता आंध्र प्रदेशातील श्रीहरिकोटा अवकाश केंद्रातून अवकाशात झेपावणार आहे. आदित्य एल-1 च्या लाँचिंगची तयारी पूर्ण झाली आहे. यासंदर्भात इसरो शास्त्रज्ञ एस सोमनाथ म्हणाले की, “रॉकेट आणि सॅटेलाईट सज्ज आहे. प्रक्षेपणासाठी आमची पूर्ण तयारी आहे.