नवाब मलिकांचा जामीन रद्द करा, ईडीची मागणी

मुंबई : नवाब मलिकांचा जामीन रद्द करा, अशी मागणी करण्यासाठी ईडीने मुंबई उच्च न्यायालयात याचिका केली आहे. आजारी आहे, उपचार करुन घ्यायचे आहेत; अशी कारणे देत नवाब मलिक यांनी जामीन घेतला आहे. पण सध्या ते विधानसभा निवडणूक लढवत आहेत आणि प्रचार करण्यात गुंतले आहेत. याचा अर्थ नवाब मलिक यांची तब्येत स्थिर आहे. यामुळे वैद्यकीय कारणासाठी दिलेला जामीन रद्द करुन नवाब मलिकांची पुन्हा कोठडीत रवानगी करण्याची मागणी ईडीने केली आहे.