WPL 2026 Auction: मुंबई इंडियन्सकडून ‘या’ खेळाडूची 6 पट किमतीत खरेदी; ‘इतक्या’ रुपयांत झाला लिलाव

WPL 2026 Auction: महिला प्रीमियर लीग (WPL 2026) च्या मेगा लिलावात मुंबई इंडियन्सने सर्वात मोठा आणि धडाकेबाज निर्णय घेत न्यूझीलंडची स्टार ऑलराऊंडर अमेलिया केरला तब्बल 3 कोटींना खरेदी केले. तिची मूळ किंमत 50 लाख होती. म्हणजेच केरला सहापट मोठी बोली मिळाली.

मुंबई इंडियन्सचा मोठा 'गेम प्लॅन'

मुंबई इंडियन्सने मेगा लिलावापूर्वी पाच खेळाडूंना कायम ठेवले होते. यात हरमनप्रीत कौर, नताली सायव्हर, हेली मॅथ्यूज, अमनजोत कौर आणि जी. कमलिनी यांचा समावेश होता. या यादीतून अमेलिया केरला सोडण्यात आले होते, ज्यामुळे सर्वांनाच मोठा धक्का बसला होता. पण लिलावात मुंबईने पुन्हा एकदा तिच्यावर मोठा विश्वास दाखवत तिला संघात परत घेतले.

हेही वाचा – WPL 2026 Schedule: महिला प्रीमियर लीगचं वेळापत्रक जाहीर; 'या' तारखेपासून सुरू होणार सामने

मुंबई vs यूपी वॉरियर्स

दरम्यान, बोली 2 कोटींपेक्षा जास्त झाल्यामुळे, यूपी वॉरियर्सने माघार घेतली. नंतर, मुंबई इंडियन्सने बोली युद्ध जिंकले, अमेलिया केरला 3 कोटींना खरेदी केले, जी तिच्या मूळ किंमतीपेक्षा सहा पट जास्त होती. तिने यापूर्वी मुंबई संघासाठी चांगली कामगिरी केली आहे. तिने WPL च्या तिन्ही हंगामात भाग घेतला आहे. तसेच एकूण 437 धावा केल्या आहेत. शिवाय, तिने तिच्या गोलंदाजीच्या कौशल्याने 40 विकेट्सही घेतल्या आहेत. यामुळेच मुंबईने तिला पुन्हा मोठ्या किंमतीत संघात सामील केले.

हेही वाचा – IND vs SA: ‘चांगलं खेळलो नाही, पण…’; टीम इंडियाच्या निराशाजनक कामगिरीनंतर ऋषभ पंतने शेअर केली भावनिक पोस्ट

न्यूझीलंडची सर्वात मोठी स्टार

अमेलिया केर ही न्यूझीलंडच्या सर्वोत्तम खेळाडूंपैकी एक मानली जाते. तिने किवी संघासाठी 88 T20I सामने खेळले आहेत, ज्यामध्ये पाच अर्धशतकांसह 1453 धावा केल्या आहेत आणि 95 विकेट्सही घेतल्या आहेत. अमेलियाने 2024 च्या T20 विश्वचषकात न्यूझीलंडसाठी उत्कृष्ट कामगिरी केली आणि संघाची सर्वात मोठी सामना जिंकणारी खेळाडू म्हणून उदयास आली. तिने संपूर्ण स्पर्धेत 15 विकेट्स घेतल्या आणि 135 धावा केल्या, ज्यामुळे तिला प्लेअर ऑफ द टूर्नामेंटचा पुरस्कार मिळाला. तथापी, 2024 चा T20 विश्वचषक जिंकण्यात संघाला मदत करण्यात तिची महत्त्वाची भूमिका होती.