रितेश देशमुखने मागितली शिवप्रेमींची माफी…
जय महाराष्ट्र न्यूज, मुंबई
अभिनेता रितेश देशमुख शिवाजी महाराजांवर आधारित मराठी चित्रपटाची निमिर्ती करत असल्याची बातमी प्रेक्षकांसाठी नवीन नाही तसेच या सिनेमाचं दिग्दर्शन रवी जाधव करणार आहेत. या सिनेमाच्या टीमने काल म्हणजेच 5 जूनला रायगडाला भेट दिली असून. यावेळी काढलेले काही फोटो रितेशने आज पहाटेच्या सुमारास आपल्या ट्विटरवर शेअर केले.
रितेशच्या या फोटोंवर शिवभक्तांनी चांगलाच संताप व्यक्त केला आहे. यापैकी एका फोटोत रितेश आणि रवी जाधव यांनी मेघडंबरीत चढून फोटो काढले आहेत, तर दुसऱ्या फोटोमध्ये त्यांच्या पूर्ण टीमने मेघडंबरीत चढून फोटो काढला आहे.
यांपैकी 3 फोटो रितेशने आपल्या ट्विटवर शेअर केले होते मात्र शिवभक्तांनी या फोटोवर संताप व्यक्त केल्यानंतर रितेश देशमुखने हे फोटो आपल्या ट्विटवरवरून डिलीट केले आहेत.
यानंतर रितशने याबाबत एका ट्विटद्वारे सर्वांकडून माफी मागितली असून हे फोटो केवळ भक्तिभावनेतून काढले असल्याचे सांगितले.
pic.twitter.com/M9BEbAIaTu — Riteish Deshmukh (@Riteishd) July 6, 2018
जय महाराष्ट्र न्यूजवर ताज्या बातम्या आणि ब्रेकिंग न्यूज वाचा. अधिक माहितीसाठी भारताच्या बातम्या ब्राउझ करा.