Narendra Modi- Donald Trump : अमेरिका भारतावरील कर हटवणार का?, पंतप्रधान मोदी आणि ट्रम्प यांनी फोनवर चर्चा, व्यापार करारावर सहमती

भारत आणि अमेरिका यांच्यात व्यापार कराराबाबत सुरू असलेल्या चर्चेदरम्यान, पंतप्रधान नरेंद्र मोदी यांनी अमेरिकेचे अध्यक्ष डोनाल्ड ट्रम्प यांच्याशी चर्चा केली. दोन्ही नेत्यांनी भारत-अमेरिका जागतिक धोरणात्मक भागीदारीतील प्रगतीचा आढावा घेतला. पंतप्रधान मोदी आणि ट्रम्प यांनी व्यापार, महत्वपूर्ण तंत्रज्ञान, ऊर्जा, संरक्षण आणि सुरक्षा क्षेत्रात सहकार्य वाढविण्यावर चर्चा केली. दोन्ही नेत्यांनी समान आव्हानांना तोंड देण्यासाठी आणि समान हितसंबंधांना पुढे नेण्यासाठी एकत्र काम करण्याचे मान्य केले.

डोनाल्ड ट्रम्प आणि पंतप्रधान मोदी यांच्यातील ही चर्चा अशा वेळी झाली आहे जेव्हा दोन्ही देशांचे शिष्टमंडळ दिल्लीत व्यापार करार अंतिम करण्याबाबत चर्चा करत आहेत. अमेरिकेचे व्यापार प्रतिनिधी जेमिसन ग्रीर यांनी म्हटले आहे की भारताने अमेरिकेला आतापर्यंतचे सर्वोत्तम प्रस्ताव दिले आहेत.

हेही वाचा –Pakistani Leader Letter To PM Modi: पाकिस्तानी नेत्याचं पंतप्रधान मोदींना पत्र, म्हणाले, ‘आता केवळ तुम्हीच..’ 

वॉशिंग्टन डीसी येथे सिनेट उपसमितीच्या बैठकीत बोलताना त्यांनी सांगितले की, अमेरिकेचे व्यापार पथक सध्या भारतात आहे आणि ते कृषी क्षेत्राशी संबंधित मुद्द्यांवर चर्चा करत आहे. भारताला आपले कृषी आणि दुग्धव्यवसाय क्षेत्र अमेरिकेसाठी खुले करायचे नाही. भारतातील लाखो लोक दूध उत्पादनातून आपला उदरनिर्वाह करतात. भारताचे कौतुक करताना जेमिसन ग्रीर म्हणाले की, चर्चेदरम्यान भारताची भूमिका खूपच पुढे राहिली आहे.

हेही वाचा – India vs Pakistan : अफगाण नागरिकांवरचे हल्ले हे ‘युद्धाचे कृत्य’! संयुक्त राष्ट्रांत भारताने पाकिस्तानला दिला हादरा 

वाणिज्य आणि उद्योग मंत्री पियुष गोयल यांनी गुरुवारी (११ डिसेंबर २०२५) सांगितले की, जर अमेरिका व्यापार कराराच्या संदर्भात भारताच्या ऑफरवर खूश असेल तर त्यांनी मुक्त व्यापार करारावर (FTA) स्वाक्षरी करावी. भारताने दिलेल्या ऑफरवर ट्रम्प प्रशासनाच्या मतांचे त्यांनी स्वागत केले, परंतु दोन्ही देशांमधील बहुप्रतिक्षित एफटीएवर स्वाक्षरी करण्यासाठी कोणतीही कालमर्यादा देण्यास त्यांनी नकार दिला.