वाघिणीच्या हल्ल्यात वनरक्षकाचा मृत्यू, मुख्यमंत्र्यांनी केली घोषणा

  अखिल भारतीय व्याघ्र प्रकल्पातील कोलोरा वनपरिक्षेत्रात सर्वेक्षण करण्यास गेलेल्या वनरक्षकाचा मृत्यू झाला आहे. या दुर्घटनेमध्ये मृत्यूमुखू पडलेल्या स्वाती ढुमने यांच्या कुटुंबियांचे मुख्यमंत्री उद्धव ठाकरे यांनी सांत्वन केले.

  अखिल भारतीय व्याघ्र प्रकल्पातील कोलोरा वनपरिक्षेत्रात घडलेल्या घटनेत मृत्यूमुखी पडलेल्या स्वाती ढुमणे यांच्या कुटुंबियांना १५ लाख रुपयांची मदत तसेच स्वाती ढुमणे यांच्या पतीला वन विभागाच्या सेवेत घेण्यात येणार असल्याचे मुख्यमंत्री उद्धव ठाकरे यांनी जाहीर केले आहे.

  वाघाने हल्ला केलेली ही घटना ताडोबा अभयारण्याच्या कोलारा वनक्षेत्रात ९७ पाणवठा जवळ घडली आहे. दिनांक २० नोव्हेंबर ते २६ नोव्हेंबरपर्यंत सर्व वनक्षेत्रात व्याघ्र सर्वेक्षण मोहीम सुरू करण्यात आली असून ट्रान्झिट लाईनद्वारे सर्वेक्षण केले जात आहे. त्यासाठी शनिवारी सकाळी ताडोबा कोर वनपरीक्षेत्रातील वनरक्षक स्वाती ढुमणे ही इतर सहकाऱ्यांसोबत जात होते. वाटेत दबा धरून असलेल्या वाघिणीने अचानक हल्ला करून त्यांना ओढीत नेले. यात त्यांचा मृत्यू झाला. घटनेची माहिती वरिष्ठ वन अधिकाऱ्यास देण्यात आली असून वरिष्ठ अधिकारी त्वरितच घटनास्थळी दाखल झाले असून पुढील कारवाई सुरू करण्यात आली.