बिहारच्या साखर कारखान्यात स्फोट; 3 कामगारांचा मृत्यू

वृत्तसंस्था, नवी दिल्ली

बिहारमधील गोपालगंज जिल्ह्यातील चौकोर भागात असलेल्या सासमुसा साखर कारखान्यात बॉयलरचा स्फोट झाल्याची धक्कादायक घटना घडलीय.

या स्फोटात 3 कामगारांचा दुर्दैवी मृत्यू झाला आहे. तर, 6 ते 8 कामगार जखमी झाले आहेत. काहीजण आत अडकल्याची भीती देखील व्यक्त करण्यात येत आहे.

सदर घटनेची माहिती मिळताच पोलीस घटनास्थळी दाखल झाले असून बचावकार्य सुरु आहे.