अकोल्यात तणावानंतर शांतता

सोशल मीडियावरील शनिवारी रात्री निर्माण झालेल्या तणावाच्या पार्श्वभूमीवर अकोला शहरत संचारबंदी लागू करण्यात अली आहे. त्यामुळे सलग दुसऱ्या दिवशीही जुन्या शहरात सर्वत्र शुकशुकाट तसेच शांतता दिसून आली. पोलिसांनी परिस्थिती नियंत्रणात आणली असून, नागरिकांनी अफवांवर विश्वास ठेवू नये, शांतात कायम राखण्याचे आव्हान केले आहे.

छत्रपती संभाजी महाराजांच्या जयंतीनिमित्त नगर जिल्ह्यातील शेवगाव शहरात काढण्यात आलेल्या मिरवणुकी दरम्यान ठीक १३ मे रोजी रात्री ११:१५ वाजेच्या सुमारास दगडफेक झाल्याचा प्रकार घडला आहे. यामुळे जमावाने दुकानांची आणि वाहनांची तोडफोड केली. परिस्थिती नियंत्रणात आणण्यासाठी पोलिसांना सौम्य लाठीमार करावा लागला.

शहरात शनिवारी सायंकाळी साडेपाचच्या सुमारास मिरवणूक निघाली होती. ही मिरवणूक रात्री आठच्या सुमारास छत्रपती शिवाजी महाराज चौकात पोहोचली. यावेळी अचानक मिरवणुकीच्या दिशेने एका गटाने दगडफेक केल्याची माहिती आहे. तर दुसऱ्या गटाचे म्हणणे आहे की, धार्मिक स्थळावर अगोदर दगडफेक करण्यात आली. यामुळे अफवांना पीक येऊन दोन्ही बाजूने दगडफेक झाली. त्यामुळे पळापळ झाली. या गोंधळामुळे व्यावसायिकांनी दुकाने पटापट बंद केली. जमावाने यावेळी वाहनांवरही दगडफेक करुन त्यांची मोठ्या प्रमाणावर तोडफोड केली. काही दुकानांवरही हल्ला चढवत तोडफोड केली गेली. पोलिसांनी हस्तक्षेप करून परिस्थिती नियंत्रणात आणली आहे. याप्रकरणी शेवगाव पोलीस ठाण्यामध्ये सकाळी गुन्हा दाखल करण्याचं काम सुरू आहे.