Methi Ladoo Benefits: हिवाळ्यात सांधेदुखीचा त्रास होतोय? घरच्या घरी बनवा स्वादिष्ट मेथीचे लाडू

Methi Ladoo Benefits: हवेतला गारवा वाढू लागला की शरीरावर त्याचा परिणाम सर्वात आधी सांध्यांवर जाणवतो. वय कोणतंही असो, हिवाळ्यात गुडघेदुखी, पाठदुखी किंवा सांधे चाळवायला लागतात. डॉक्टरसुद्धा हिवाळ्यात ‘जोडांना उष्णता देणारे पदार्थ’ खाण्याचा सल्ला देतात. या पार्श्वभूमीवर आपल्या घराघरातील एक पारंपरिक आणि परीक्षण झालेला पदार्थ पुन्हा चर्चेत येतो 'मेथीचे लाडू'. आजी-आईच्या काळापासून हिवाळ्यात मेथीचे लाडू हे शरीराला ताकद देणारे, उष्णता देणारे आणि थकवा कमी करणारे ‘विन्टर सुपरफूड’ मानले जात आहेत.

मेथीमध्ये कॅल्शियम, मॅग्नेशियम, आयर्न, फायबर, अँटिऑक्सिडंट्स आणि नैसर्गिक उष्णता वाढवणारे घटक असतात. त्यामुळे हाडांचा ठिसूळपणा कमी करण्यापासून ते स्नायूंना ताकद देण्यापर्यंत याचे फायदे मिळतात. बदलत्या हवामानामुळे थंडी अचानक वाढते, हाडे कडक होण्याची समस्या निर्माण होते, रक्ताभिसरण मंदावते अशावेळी तूप, गूळ आणि सुकामेव्याने बनवलेले मेथीचे लाडू शरीराला आवश्यक ऊर्जा देतात. मजा म्हणजे, हे लाडू महिलांसाठी विशेषतः फायदेशीर मानले जातात. प्रसूतीनंतर कमजोरी कमी करण्यासाठी आणि स्टॅमिना वाढवण्यासाठी घराघरात मेथीचे लाडू दिले जातात.

हेही वाचा: Gooseberry Water: दररोज एक ग्लास आवळ्याचे पाणी प्यायल्याने 'या' आरोग्य समस्या दूर होतील

हिवाळ्यातील सर्वात सामान्य तक्रार म्हणजे पचन मंदावणे. पण मेथीतील फायबर पचन सुधारते, गॅस, फुगणे आणि बद्धकोष्ठता कमी करण्यास मदत करते. तसेच रक्तातील साखरेवर नियंत्रण ठेवण्याची क्षमता असल्याने मधुमेह असणाऱ्या व्यक्तींना हे काही प्रमाणात फायदेशीर ठरू शकतात (नक्कीच डॉक्टरांचा सल्ला महत्वाचा). मेथीतील अँटिऑक्सिडंट्स स्किन ग्लो देतात आणि कोरडी त्वचा रोखण्यास मदत करतात. केसांना बळकटी मिळते, थंडीतील केस गळती कमी होते आणि स्काल्पला पोषण मिळते.

घरी सोप्या पद्धतीने मेथीचे लाडू कसे बनवायचे? (घरगुती रेसिपी)

साहित्य

• मेथी दाणे – ½ कप

• गूळ – 1 कप (चिरलेला)

• तूप – ½ कप

• खवा – ¼ कप (optional)

• सुकामेवा पूड (बदाम-काजू) – ½ कप

• गहू पीठ / बहार गेहू पीठ – 1 कप

हेही वाचा: Pickles Health Risks: चव वाढवणारं लोणचं ठरू शकतं ‘घातक’ ! खाण्याआधी हे 3 नियम नक्की वाचा

कृती

1. मेथी दाणे हलक्या आचेवर भाजून थंड होऊ द्या आणि नंतर बारीक पूड करा.

2. कढईत तूप घालून गहू पीठ मंद आचेवर सोनेरी होईपर्यंत भाजा.

3. गूळ एका भांड्यात वितळवून गाळा.

4. आता एका मोठ्या वाडग्यात सुकामेवा, मेथीपूड, भाजलेलं पीठ, गूळ, खवा (घालणार असल्यास) एकत्र मिसळा.

5. तूप थोडं-थोडं घालत हाताने गोल लाडू वळा.

6. हवाबंद डब्यात ठेवा. हिवाळ्यात दररोज 1 लाडू पुरेसा.

हिवाळ्यात शरीराचं तापमान संतुलित ठेवणं जितकं महत्त्वाचं, तितकंच योग्य आहार निवडणंही महत्त्वाचं. त्यामुळे गरम-गरम मेथीचे लाडू फक्त चवीसाठीच नाही, तर संपूर्ण शरीराच्या हेल्थ-केअर साठी नैसर्गिक आणि सोपी ढाल ठरू शकतात.

(Disclaimer : ही माहिती केवळ सामान्य ज्ञानासाठी प्रदान केली आहे. जय महाराष्ट्र या माहितीची कोणतीही हमी देत नाही. आरोग्यविषयक कोणताही निर्णय घेण्यापूर्वी तज्ज्ञ किंवा डॉक्टरांचा सल्ला घ्या.)