IndiaGo Flight Cancellation: प्रवासी घरी पोहोचले, पण सामानाचा पत्ता नाही! इंडिगोच्या गोंधळामुळे प्रवाशांना दुप्पट त्रास

IndiGo Crisis: इंडिगोच्या विमान उड्डाणांच्या रद्द होण्यामुळे मुंबईत प्रवाशांनी योग्य माहिती न मिळणे आणि आपले सामान हरवल्याची (IndiGo Lost Luggage) तक्रार केली. अनेक प्रवासी त्यांच्या गंतव्यस्थानावर पोहोचले, परंतु त्यांचे सामान त्यांच्यासोबत पोहोचू शकले नाही. यामध्ये त्यांचे कपडे, महत्त्वाची कागदपत्रे आणि औषधे होती. त्यामुळे हे संपूर्ण प्रकरण आता अधिक गुंतागुंतीचे आणि निराशाजनक बनले आहे.

चार दिवसांपासून फक्त कपडे खरेदी
एका वृत्तसंस्थेच्या वृत्तानुसार, सचिन नावाची एक व्यक्ती आपल्या एक वर्षाच्या मुलासह आणि पत्नीसह बंगळूरुला जात होती. मंगळवारी त्यांनी विलंबित उड्डाणाचे पुन्हा वेळापत्रक केले, पण पुढे काय होणार याची त्यांना कल्पना नव्हती. त्यांचे सामान आधीच चेक-इन (luggege Check-in) झाले होते आणि कर्मचाऱ्यांनी त्यांना सांगितले होते की, ते बुधवारपर्यंत त्यांच्या स्थानिक पत्त्यावर पोहोचेल. पण तसे झाले नाही. सचिन म्हणाले, "चार दिवसांपासून आम्ही कपडे खरेदी करत आहोत. माझ्या मुलाची औषधे आणि कागदपत्रे त्या बॅगमध्ये आहेत. इंडिगोचे कर्मचारी फक्त तिकिटे रद्द करत आहेत आणि पैसे परत करतात. याव्यतिरिक्त त्यांच्याकडे कोणतीही माहिती नाही."

नोकरी गमावण्याची भीती
बहारीनमध्ये सॉफ्टवेअर इंजिनिअर म्हणून काम करणाऱ्या गौरव पाटील यांच्यासाठी त्यांचे सामान हरवल्यामुळे त्यांची संपूर्ण यात्रा संकटाची ठरली, कारण त्यांच्या शनिवारी सुट्ट्या संपत होत्या. त्यांची तिरुवनंतपुरम ते मुंबई फ्लाईट रद्द झाली, त्यानंतर त्यांना बंगळूरुमार्गे पाठवण्यात आले. बंगळूरु विमानतळावर त्यांना 24 तासांच्या विलंबाची सूचना मिळाली. अखेरीस, एक दिवस उशिराने हा ग्रुप मुंबईत पोहोचला; तेव्हा त्यांना कळले की त्यांचे सामान बंगळूरुमध्येच राहिले (Luggege Left Behind) आहे. शनिवारी गौरव यांना पुन्हा इंडिगोच्या फ्लाईटने बहारीनला परत जायचे होते. त्यांनी म्हटले, "माझी सुट्टी आज संपत आहे. मी उद्या कामावर गेलो नाही, तर मला दंड होईल. याचा खर्च कोण उचलणार?"

हेही वाचा – Indigo Flight Service: कॅन्सलेशननंतर IndiGo ची मोठी घोषणा; आज 1500 हून अधिक फ्लाइट्स रुटीनमध्ये

चुकीचे संदेश आणि 70 हजार रुपयांचा झटका
आपल्या पत्नी आणि चार महिन्यांच्या मुलासह प्रवास करणाऱ्या अक्षत यांच्यासाठी 4 डिसेंबरला फ्रँकफर्टहून मुंबईत पोहोचल्यानंतर रद्दीकरणाच्या एका संदेशाने त्रास सुरू झाला. एअरलाइनने कोणती फ्लाईट रद्द झाली आहे, हे कथितरित्या सांगितले नाही. त्यांच्या त्यापुढे दोन आणखी प्रवास करायचे होते. 5 डिसेंबरला जेव्हा ते मुंबई-मंगलूरु उड्डाणासाठी विमानतळावर पोहोचले, तेव्हा चेक-इन काउंटर उघडले होते, ज्यामुळे त्यांचा गोंधळ आणखी वाढला. नंतर त्यांना कळले की उड्डाण रद्द झाले आहे. त्यांनी सांगितले की, "नशीब मी माझे सामान चेक-इन केले नाही, कारण इतरांना आपले सामान शोधताना त्रास झाला होता."

तिकीट 25 हजारवरून 70 हजार रुपयांवर
अक्षत यांना सर्वात मोठा झटका तेव्हा बसला, जेव्हा त्यांना पुन्हा बुकिंग करावी लागली. त्यांच्या इंडिगोच्या (IndiGo Flight Rebooking) पहिल्या तिकिटाची किंमत 25 हजार रुपये होती, तर उपलब्ध असलेल्या एकमेव पर्यायाची किंमत तब्बल 70 हजार रुपये होती. त्यांनी सांगितले की, प्रवासभाड्यातील या अचानक वाढीमुळे परिस्थिती आणखी कठीण झाली. या घटनेमुळे प्रवाशांना दुहेरी फटका सहन करावा लागला. पहिले उड्डाण रद्द झाल्यामुळे विलंब आणि दुसरे गगनाला भिडणारे तिकिटांचे दर.

हेही वाचा – Indigo Flight: इंडिगोची अडचण वाढली; DGCA ची कारणे सांगा नोटीस देत दिली 24 तासांची डेडलाइन