Drishyam 3 : ‘दृश्यम – द कन्क्लूजन’चे पोस्टर्स रिलीज; जयदीप अहलावत नव्या भूमिकेत; अजय देवगणच्या इंटेंस लुकने उत्सकता वाढली, पोस्टर व्हायरल
Drishyam the Conclusion: चित्रपटप्रेमींमध्ये बहुप्रतिक्षित असलेल्या दृश्यम द कन्क्लूजन या चित्रपटाबाबतची उत्सुकता आता ताणली गेली आहे. दिग्दर्शक अभिषेक पाठक यांनी जयदीप अहलावत, रजत कपूर, श्रिया सरन आणि तब्बू यांच्या पात्रांचे पोस्टर्स प्रदर्शित केले आहेत. प्रत्येक पोस्टरवर असलेल्या रहस्यमय वाक्यांमुळे विजय साळगावकर आणि त्याच्या कुटुंबावर येणाऱ्या नव्या वादळाची चाहूल लागली आहे.
पोस्टरमधील मुख्य रहस्य आणि पात्रे
अभिषेक पाठक यांनी शेअर केलेल्या पोस्टर्समधून चित्रपटातील पात्रांची भूमिका आणि कथानकाबाबत काही महत्त्वाचे संकेत मिळतात:
– जयदीप अहलावत हे गुन्हे शाखेचे एसपी राजवीर सिंग तोमर यांच्या भूमिकेत दिसणार असून विजय साळगावकरचा हा प्रकरणातील सर्वात मोठा विरोधक ठरू शकतो.
– रजत कपूर यांच्या पोस्टरवर वेळ शेवटी सत्याचा चेहरा दाखवतेच असा आशय असणारे वाक्य लिहिले असून ते साळगावकर कुटुंबाच्या जुन्या रहस्याकडे बोट करते.
– श्रिया सरनचे नंदिनी हे पात्र वर्षानुवर्षे भयाखाली जगत असून अजूनही धोका टळलेला नाही, हा संदेश तिच्या पोस्टरमधून समोर येतो.
– तब्बू पुन्हा एकदा मीरा देशमुखच्या भूमिकेत दिसत असून चौथ्या अपयशानंतर आता केवळ न्याय नाही तर आईचा सूड असेल, अशी इशारा देणारी ओळ तिच्या पोस्टरवर आहे.
साळगावकर कुटुंबापुढील नवे आव्हान
चित्रपटाच्या केंद्रस्थानी पुन्हा एकदा अजय देवगणचे विजय साळगावकर हे पात्र आहे. कुटुंबाच्या रक्षणासाठी रचलेले बनाव आणि पोलिसांना दिलेला चकवा या मुख्य कथानकावर आधारित हा अंतिम भाग असणार आहे. पूर्वीच्या भागांपेक्षा वेगळी कथा रचत हिंदी फ्रँचायझीने स्वतःची स्वतंत्र ओळख निर्माण केली आहे. माझा सत्य, माझा अधिकार, फक्त माझे कुटुंब ही या भागाची मुख्य संकल्पना आहे.
चित्रपटाची स्टारकास्ट आणि टीम
स्टार स्टुडिओ 18 आणि पॅनोरमा स्टुडिओ निर्मित या चित्रपटाचे दिग्दर्शन अभिषेक पाठक करत आहेत. या चित्रपटात अजय देवगण, तब्बू, श्रिया सरन आणि रजत कपूर यांच्यासोबत जयदीप अहलावत आणि प्रकाश राज हे कलाकार नवीन अंदाजात आणि महत्त्वाच्या भूमिकेत दिसतील.
प्रदर्शनाची तारीख आणि ट्रेलरची उत्सुकता
चित्रपटाचा अधिकृत ट्रेलर 10 सप्टेंबर रोजी प्रेक्षकांच्या भेटीस येणार आहे. त्यानंतर प्रेक्षकांना या कथेची आणखी स्पष्ट कल्पना येऊ शकेल. हा थरारक चित्रपट 2 ऑक्टोबर 2026 रोजी चित्रपटगृहात प्रदर्शित होणार आहे.
जय महाराष्ट्र न्यूजवर ताज्या बातम्या आणि ब्रेकिंग न्यूज वाचा. अधिक माहितीसाठी भारताच्या बातम्या ब्राउझ करा.