Bittu Tabahi Biaora: ‘बिट्टू तबाही’ची अजनार नदीसाठी एकाकी लढाई; मुख्यमंत्र्यांकडून कौतुक, नेदरलँडसमधून नोकरीची ऑफर

Bittu Tabahi Biaora to Save Environment: सोशल मीडियावर ‘बिट्टू तबाही’ या नावाने लोकप्रिय असलेला 21 वर्षांचा सुरेंद्र सिंग चौधरी प्रत्यक्ष आयुष्यात आपल्या नावात दडलेल्या ‘तबाही’ म्हणजेच विनाशाच्या संकल्पनेच्या अगदी उलट काम करत आहे. मध्य प्रदेशातील राजगड जिल्ह्यातील ब्यावरा या आपल्या मूळ शहरातून वाहणाऱ्या अज्नार नदीचे प्रदूषण रोखण्यासाठी हा बीएससीचा विद्यार्थी गेल्या 7 महिन्यांपासून एकटाच लढा देत आहे. कचराकुंडी बनलेल्या या नदीतील प्लास्टिकच्या बाटल्या, शेवाळ आणि इतर घनकचरा बाहेर काढून तिचे रूप बदलण्याचे अप्रतिम कार्य त्याने करून दाखवले आहे.

कोणत्याही सुरक्षेशिवाय आणि यंत्रसामग्रीशिवाय थेट नदीत प्रवेश
कोणतेही सुरक्षारक्षक कवच किंवा आधुनिक यंत्रसामग्री उपलब्ध नसताना सुरेंद्रने थेट आपल्या हातांनी कचरा उचलण्यास सुरुवात केली. आरोग्याला होणारा संभाव्य धोका पत्करून त्याने नदीपात्रातील साचलेली घाण साफ केली. 26 जानेवारी म्हणजेच प्रजासत्ताक दिनाच्या मुहूर्तावरून त्याने या अभियानाला सुरुवात केली होती. महापालिका आणि प्रशासन काहीच करत नाही यावर निव्वळ तक्रारी करत बसण्याऐवजी, त्याने स्वतः मैदानात उतरण्याचा आणि अज्नार नदीला कचरामुक्त करण्याचा निर्धार केला.

मुख्यमंत्री मोहन यादव यांच्याकडून भेट आणि कौतुक
सुरेंद्रच्या या अथक प्रयत्नांमुळे नदीचा मोठा भाग आता स्वच्छ आणि पूर्ववत झाला आहे. त्याच्या या कार्याची दखल घेत मध्य प्रदेशचे मुख्यमंत्री मोहन यादव यांनी त्याला भोपाळ येथील निवासस्थानी आमंत्रित केले. मुख्यमंत्र्यांनी त्याला ‘ब्यावराचा सुपुत्र’ असे संबोधले आणि एकाच व्यक्तीचा दृढ निश्चय मोठा बदल घडवून आणू शकतो, असा संदेश त्याने दिल्याचे सांगितले. तसेच राज्य सरकारकडून त्याला सर्वतोपरी मदत करण्याचे आश्वासनही देण्यात आले.

भोपाल निवास पर ब्यावरा के बेटे सुरेंद्र सिंह चौधरी ‘बिट्टू तबाही’ से आत्मीय भेंट की। बिट्टू ने अपनी दृढ़ इच्छाशक्ति और संकल्प से सिर्फ अजनार नदी की सफाई ही नहीं की, बल्कि अपने प्रयासों से समाज को यह संदेश भी दिया है कि बदलाव के लिए बड़ी भीड़ नहीं, एक सच्ची पहल ही काफी है। आपकी… pic.twitter.com/hQVbdVYMMf — Dr Mohan Yadav (@DrMohanYadav51) September 5, 2026

हेही वाचा – Building Collapses : मोठी दुर्घटना! पाच मजली इमारत पत्त्यांसारखी कोसळली; अनेक जण ढिगाऱ्याखाली अडकल्याची भीती

नेदरलँडच्या संस्थेकडून नोकरीची ऑफर अन् भविष्यातील संकल्प
सुरेंद्रच्या कामाची दखल आंतरराष्ट्रीय स्तरावरही घेतली गेली असून नेदरलँडमधील एका स्वयंसेवी संस्थेच्या मुख्य कार्यकारी अधिकाऱ्याने (CEO) त्याला नोकरीची ऑफर दिल्या बातम्या समोर आल्या आहेत. मात्र, मला याबाबत केवळ माध्यमांमधून समजले असून थेट कोणताही संदेश प्राप्त झालेला नाही, असे सुरेंद्रने स्पष्ट केले. आरोग्य विभागात कार्यरत असलेल्या पालकांचा मुलगा असलेल्या सुरेंद्रने आता आपल्या शहरात इतर सार्वजनिक ठिकाणीही अशाच प्रकारे स्वच्छता मोहीम राबवण्याचा संकल्प केला आहे.

नागरिकांच्या निष्काळजीपणावर नाराजी आणि प्रशासनाला आलेली जाग
आपल्या कठोर परिश्रमाने स्वच्छ केलेल्या नदीत लोक पुन्हा कचरा टाकतात, याबद्दल सुरेंद्रने मुख्यमंत्र्यांशी बोलताना तीव्र खंत आणि संताप व्यक्त केला. लोकांना नदीचे महत्त्व का समजत नाही, असा प्रश्न त्याने उपस्थित केला. दरम्यान, या तरुणाच्या प्रयत्नांमुळे अखेर स्थानिक नगरपालिकेलाही जाग आली असून, आता रस्त्यांवरील कचरा उचलण्यासाठी पोक्लेन (Poclain) मशीन्स तैनात करण्यात आल्या आहेत. तरीही, नागरिकांची कचरा टाकण्याची सवय बदलणे हेच खरे मोठे आव्हान ठरत आहे.

हेही वाचा – Dahi Handi In Mumbai Local Train: मुंबईत चक्क धावत्या लोकलमध्ये महिला प्रवाशांनी फोडली हंडी, व्हिडीओ व्हायरल