अमोल कोल्हेंची बैलगाडा शर्यतीत रुबाबदार एन्ट्री

राज्यात बैलगाडा शर्यतीला सर्वोच्च न्यायालयाने परवानगी दिल्यामुळे राज्यात ठिकठिकाणी बैलगा शर्यतींचे आयोजन करण्यात येत आहे. नुकताच, पुणे जिल्ह्यातील आंबेगाव तालुक्यातील लांडेवाडी व मावळमध्ये बैलगाडा शर्यती पार पडल्या. त्यानंतर आज पुणे जिल्ह्यातील निमगाव दावडी येथे बैलगाडा शर्यतीचे आयोजन करण्यात आले. या शर्यतीत खासदार डॉ. अमोल कोल्हे यांनी स्वत: घोडीवर बसून बारी मारली आहे. यावेळी डॉ. अमोल कोल्हे यांनी शिवसेना नेते शिवाजीराव आढळराव पाटील यांच्या आव्हानाला चोख प्रत्युत्तर दिले आहे.