धक्कादायक! पुणे जिल्ह्यातील 130 गावांमध्ये पिण्याचं पाणी दूषित!

पुणे जिल्ह्यातील 130 गावांमध्ये पिण्याचं पाणी दूषित आढळून आलं आहे. जिल्हा परिषदेच्या आरोग्य विभागाने केलेल्या सर्वेक्षणातून ही धक्कादायक माहिती समोर आलीय. शिवाय 13 गावांमधील पाण्यातील क्लोरीनचं प्रमाण 20 टक्क्यांपेक्षाही कमी आढळून आलंय.

पुणे जिल्ह्यातून 2918 पाण्याचे नमुने घेण्यात आले होते. ज्यामध्ये 259 नमुने दूषित असल्याचं समोर आलं. सर्वाधिक दूषित पाणी खेड तालुक्यातील 18 गावांमध्ये आढळून आल्याची माहिती जिल्हा परिषदेकडून देण्यात आली आहे.

जिल्ह्यातील दूषित पाणी असलेले तालुके

तालुका      नमुने   दूषित नमुने   गावं

आंबेगाव –  308     31           15

बारामती –  253     19           07

भोर    –   165     17           14

दौंड    –   148     15           15

हवेली  –    174     10           04

इंदापूर    –   387    33          09

जुन्नर   –    387    33          15

खेड     –    321    25          18

मावळ    –   166    12          05

मुळशी    –  160     17          09

पुरंदर    –   157     08          05

शिरूर    –   213     22          11

वेल्हे    –       79   07          03

एकूण   –     2918   259        130

दूषित पाण्याचे नमुने आढळून आल्यानंतर आरोग्य विभागाने त्या पद्धतीने उपाययोजना केल्या असून नागरिकांनी आरोग्याची काळजी घेण्याचं आवाहन करण्यात आलंय.