हवाई दल भारत-पाकिस्तान सीमेजवळ 7 ते 8 जून दरम्यान करणार सराव; NOTAM जारी

नवी दिल्ली: भारत आणि पाकिस्तानमधील वाढत्या तणावाच्या पार्श्वभूमीवर, भारतीय हवाई दलाने (IAF) राजस्थानमधील भारत-पाक आंतरराष्ट्रीय सीमेच्या दक्षिण भागात मोठ्या प्रमाणात हवाई सराव करण्याची घोषणा करून पुन्हा एकदा आपली तयारी दर्शविली आहे. या सरावाबाबत एअरमनना सूचना (NOTAM) जारी करण्यात आली आहे. हा हवाई सराव 7 जून रोजी दुपारी 3:30 ते 8 जून रोजी रात्री 9:30 पर्यंत असणार आहे. 

या काळात, भारतीय हवाई दलाने नियुक्त केलेल्या क्षेत्रावरील हवाई क्रियाकलापांवर निर्बंध लादले जातील, जेणेकरून सरावात सहभागी असलेली विविध विमाने आणि ऑपरेशन्स सुरळीतपणे पार पाडता येतील. या सरावाचे वर्णन आयएएफच्या नियमित युद्ध सराव मालिकेचा एक भाग म्हणून केले जात असले तरी, सध्याच्या भू-राजकीय परिस्थिती पाहता ते धोरणात्मक दृष्टिकोनातून खूप महत्वाचे मानले जात आहे. जम्मू आणि काश्मीरमधील पहलगाम येथे झालेल्या अलिकडच्या दहशतवादी हल्ल्यानंतर भारत आणि पाकिस्तानमधील तणाव वाढला आहे. 

हेही वाचा – वक्फ संदर्भातील UMEED पोर्टल लाँच! कशी केली जाईल मालमत्तेची पडताळणी? जाणून घ्या

हवाई सरावात कोणती लढाऊ विमाने सहभागी होतील?

हवाई सरावात भारतीय हवाई दलाची राफेल, मिराज 2000 आणि सुखोई-30 सारखी आघाडीची लढाऊ विमाने भाग घेतील. यासोबतच, AWACS (एअरबोर्न वॉर्निंग अँड कंट्रोल सिस्टम), ड्रोन, वाहतूक विमाने आणि हवाई संरक्षण युनिट्स देखील तैनात केली जातील. हा सराव दिवसा आणि रात्री दोन्ही वेळी केला जाईल आणि यामध्ये, वास्तविक युद्धासारखी परिस्थिती निर्माण करून भारतीय हवाई दलाची लढाऊ तयारी, सामरिक प्रतिसाद क्षमता आणि समन्वय कौशल्यांचे मूल्यांकन केले जाईल.

हेही वाचा – चिन्नास्वामी स्टेडियम चेंगराचेंगरी प्रकरणी मोठी कारवाई! कर्नाटकच्या मुख्यमंत्र्यांच्या राजकीय सचिवाची हकालपट्टी

प्राप्त माहितीनुसार, हा सराव भारतीय हवाई दलाच्या दक्षिण-पश्चिम कमांड अंतर्गत आयोजित केला जात आहे, ज्यामध्ये राजस्थान, गुजरात आणि आसपासच्या हवाई क्षेत्रांचा समावेश आहे. तथापि, भारताने 30 एप्रिल 2025 पासून पाकिस्तानच्या नोंदणीकृत आणि लष्करी विमानांसाठी आपले हवाई क्षेत्र बंद केले होते, जे आता 23 जून 2025 पर्यंत वाढवण्यात आले आहे. तसचे प्रत्युत्तरादाखल, पाकिस्तानने भारतीय विमानांसाठी आपले हवाई क्षेत्र देखील बंदी घातली आहे. यामुळे दोन्ही देशांमधील हवाई वाहतुकीवर परिणाम झाला आहे.